Псалъэжь: Гъунэгъур гъуджэм хуэдэщ.
ПсынщIэрыпсалъэ: Лэныстэ-мастэ-къэбыстэ пIастэ.
Къуажыхь: Жэщым Iэтэ, махуэм лъэнтхъуий. (Жьэгу мафIэ)
ГушыIэ: ПсынщIэу къэпщтэжар емыхуэха хуэдэщ.

Сыхэмыхьэм уи пщIыхь

Сэ пщыхьэщхьэр схуэхъуащи ныбжьэгъу,
Си гупсысэр и куэщI щызогъафIэ.
Сыхэмыхьэм уи пщIыхь, къысхуэгъэгъу,
Сигу пащтыхьым ищIакIэщ унафэ.

Вагъуэ лыдхэр иджы си ныбжьэгъущ,
ЗэщIэпщIыпщIэурэ нащхьэ къысхуащIыр.
Сыхэмыхьэм уи пщIыхь, къысхуэгъэгъу,
СхущIэмыхьэу аращ – узогъащIэ.

Си пщыхьэщхьэм гухэлъу ущIыгъущ,
Вагъуэ лыдхэр хуэхъуащэрэт мыщIэ.
Сыхэмыхьэм уи пщIыхь, къысхуэгъэгъу,
Уи сурэт къызохьэкIыр, умыщIэу.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, Гугъуэт Заремэ, Гугъуэт Заремэ и усэхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 167

Сообщить об опечатке

Текст, который будет отправлен нашим редакторам: