Псалъэжь: ГyeмыIy хъыбарыр щIэх зэлъащIыс.
ПсынщIэрыпсалъэ: Мыщэр пэщащэурэ мащэм ищэтащ.
Къуажыхь: Хадэм соплъэри къэб ныкъуэ солъагъу. (Мазэ)
ГушыIэ: ЩIалэм пыIэ къигъуэтащ. Хуэхъупсуращ.

Гъатхэм зыхуегъафIэ жыг къудамэм…

Гъатхэм зыхуегъафIэ жыг къудамэм,
Гъэгъам и мэ IэфIыр щIым щегуэш.
Тес тхьэрыкъуэм еутхыпщI и дамэр, –
КъудамэщIэм щхьэщегъэкI и зэш.

Тхьэмпэ цIынэр игъэпскIащ уэшхыпсым,
ТкIуэпсхэр жыг къудамэм къытенащ.
Ауэрэ мэбагъуэ дыгъэ къуэпсыр,
Жыгым и плIэм хуиту къыдэпсащ.

Ауэ, зэт, къыщыщIыр сыт къудамэм?
Псыр и щIыфэм хуэму жыгым ирижащ.
Зи сэм и жанагъ къэзыщIэ гъуамэм
КъудамэщIэр жыгым пигъэжащ.

Мес, къохуэх, къохуэх къудамэр жыгым,
Къехыурэ жыг щIагъым щIэхуэжащ.
Техуэри къудамэр мывэм, тхытхыу,
Гъэгъа цыкIуу пытыр пыщэщащ…

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, Гугъуэт Заремэ, Гугъуэт Заремэ и усэхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 222

Сообщить об опечатке

Текст, который будет отправлен нашим редакторам: