Псалъэжь: Нысэ Iейм унафэр унэм ирех.
ПсынщIэрыпсалъэ: Пыжь пызу пыту жыг.
Къуажыхь: Ди вы хужь цIыкIу шыгъу бэшхщ. (ДжэдыкIэ)
ГушыIэ: ЩIалэм пыIэ къигъуэтащ. Хуэхъупсуращ.

Гъатхэм игъуэтыркъым иIуэтэжын…

Гъатхэм игъуэтыркъым иIуэтэжын,
Уи сурэт закъуэр сыту сщIыжын?
ПщIыхьым и лъахэм нэзгъэзэжынт…
Гъатхэм игъуэтыркъым иIуэтэжын.
Гур къысхуэщIэжыркъым щысIэпыхуар,
Уафэм ищIэжыркъым зэрыхъуар,
ЩIым хуэмышэчу щыкIэрэхъуар,
Зы гъащIэр сфIэмащIэу ущыслъэгъуар.

Псатхьэм зэхихыркъым гухэм я макъ,
Махуэмрэ жэщымрэ я зэхуаку
ДобзэхыкIыжыр гурыщIэ сакъ,
Псатхьэм зэхихыркъым гухэм я макъ.

Нэр упIэрапIэркъым, нэпсыр мэдий,
Гупсысэм хуэму зеукъуэдий.
Уафэми щIылъэми сащIыркъым бий,
Ауэ уи макъымкIэ къызогий.

ЖызумыгъэIэ сыкъыщIэкIуар,
Си лъэгум уэсу щIэзгъэткIукIар.
Си макъыр жьыбгъэм щIригъэкIар…
Армырами, ди гъащIэр кIуащ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, Гугъуэт Заремэ, Гугъуэт Заремэ и усэхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 327

Сообщить об опечатке

Текст, который будет отправлен нашим редакторам: