Псалъэжь: Дыгъужьыp зэдзакъэр и Iыхьэщ.
ПсынщIэрыпсалъэ: Набдзэ и бдзапцIэр егъэцIу.
Къуажыхь: Ди пщIантIэм хъэжыгъэ дэзщ. (Уэс)
ГушыIэ: Интернетыр къызэрежьэрэ тхэр еджэм нэхъыбэ хъуащ

УсакIуэ

Куэд щIауэ имытхауэ усэ
УсакIуэр Iэджэм йогупсыс.
Щохъу имыIэжу зы гупсысэ,
КъекIухь, зэм мэтIысри щысщ.
Дихьэхыгъамэ зы Iуэхушхуэ,
УсакIуэм лъэкI къимыгъэнэнт.
Къэмыхъунт щIытемыгушхуэ,
Усэр дахэу иухуэнт.
Iэрыхьэжамэ итха усэр
Зытетхыхь Iуэхум хэта цIыху,
Итх псори ищIэми – гупсысэр,
Щыхъунт щIэщыгъуэ ар къеджэху.
ФIэхьэлэмэту усэ тхыкIэр,
Къэхъуахэр ищIэми езым,
Игу къигъэкIыжурэ абыкIэ
Щысынт, ар дыдэр хъуауэ щым.
Гупсысэ куэд, къулейуэ усэм
Ущыхуэзэнт, итIани ар
Ещхь дыдэу къабзэу бгым телъ уэсым
Щытынт, итхыныр ищIэгъам…

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, Бэрбэч Аслъэнджэрий, Бэрбэч Аслъэнджэрий и усэхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 184

Сообщить об опечатке

Текст, который будет отправлен нашим редакторам: