Псалъэжь: Уи мыгъусэ уи лъатэпс иумыгъапхэ.
ПсынщIэрыпсалъэ: Зазэ и зэзыр зэзэмызэ мэуз.
Къуажыхь: Ди нысащIэ мазащхьэщ. (Дыщэ пыIэ)
ГушыIэ: Щхьэр узым - пфIэтщ.

Ланэ

ЛанэМахуэ гуэрым си шыпхъу цIыкIур
Къезджэжыну сыщIэкIащ.
Дыгъэр зи нэхэм щыджэгуу
ЦIыкIу-цIыкIу куэдым сахыхьащ.

Арти, ди гъунэгъухэр джэгуу,
Сахэплъэну сигу къэкIащ.
СымыцIыхуу, дыгъэ нэгуу
Ахэм зы цIыкIу къахэкIащ.

Соплъ сэ, соплъ а хъыджэбз дахэм –
КъысхуэщIэжкъым щыслъэгъуар.
КъысхущIоплъ ар. Мэдыхьэшхыр.
Сеплъ фIэкI, псалъэ щIызмыгъуа.

А хъыджэбзыр дэ ди класскъым,
СфIощI нэхъыщIэу ар сэр нэхъ.
ИкIи уеблэмэ ди школкъым,
Си гугъащ сыхэту пщIыхь.

Ар щIыкIафIэщ. Ар губзыгъэщ.
Щхьэц баринэ екIуи тетщ.
И цIэращи!.. Дыгъэ-щыгъэщ:
Ланэщ!.. Ар зымыщIэр хэт?!

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, Бэрбэч Аслъэнджэрий, Бэрбэч Аслъэнджэрий и усэхэр, Вагъуэ цIыкIу, усэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 199

Сообщить об опечатке

Текст, который будет отправлен нашим редакторам: