Псалъэжь: ФызыфI зиIэ и гуауэ шэчыгъуафIэщ.
ПсынщIэрыпсалъэ: Мыщэр пэщащэурэ мащэм ищэтащ.
Къуажыхь: Джэд хужь цIыкIу щIокIацIэ. (Бжьыныху)
ГушыIэ: Тыншу упсэуныр Iейуэ гугъущ.

Лацэ

ЛацэМыувыIэу уэшхыр къошхыр,
Зауэ гуащIэм дэ дыхэтщ.
Къалъэгъуащ сIыгъ автоматыр,
Ар сIэщIэкIым даукIынщ!

Си ныбжьэгъуи си пашэгъуи,
Зы къэмынэу яукIащ.
Лацэ закъуэщ ямылъагъуу,
ЯмыукIыу къагъэнар!

Ар мэгъуэгыр, мэкIэзызыр
МыувыIэу, сыт жесIэн?
Хъуащ гъунэгъу дэ ди ажалыр,
Уасэ ди псэм имыIэн!

Дыкъелатэм, Лацэ дахэр
Тезгъэсынти дыщэ шэнт,
Дэ ди гъуэгу текIатэм бийхэр
Ар нысащIэу сэ къэсшэнт!

Ауэ къадзыр лагъым Iейхэр,
Си жьэм ятIэ мэхъу жьэдэз,
Лацэ дахэр сымылъагъуу
Мэхъу фочышэр си пкъым хэз.

Сыщытыфыркъым, соджалэ,
Лъыр мыувыIэу къыскIуэцIож.
Унэм щIэс си анэ КIулэ
Къысщогугъыр, ар сощIэж.

Ауэ абдеж сыкъоушыр,
Зызоплъыхьри пIэкум сисщ.
Ди гъунэгъум я хьэпшырыр
Къызобзейри къызбгъэдэсщ!

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, Бэрбэч Аслъэнджэрий, Бэрбэч Аслъэнджэрий и усэхэр, Вагъуэ цIыкIу, усэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 207

Сообщить об опечатке

Текст, который будет отправлен нашим редакторам: