Псалъэжь: Уи анэр уиIэхукIэ ущIалэщ.
ПсынщIэрыпсалъэ: Пхъэр сошэр – пхъыр сошхыр.
Къуажыхь: Махуэм лы гулъэ, жэщым гунэщI. (Вакъэ)
ГушыIэ: Махуэ ещанэ хъуауэ сынэжьэну сыхуейкъым.

ГъащIэ гъуазэу къысхуэблэнщ

Си анэ дэлъху Шагъыр Анзор и фэеплъу

Жыгым тхьэмпэ пытщ удзыфэу
Шэчэрыпсыри йожэх.
Сыбгъэдэту сэ и Iуфэм
Гуауэм си щхьэр ирешэх.
«Сыт къэхъуар?», — фыкъызэупщIым,
ЗанщIэу зыри жызмыIэн.
Анэ дэлъхум сэ и куэщIым
Сызэрисыгъар сощIэж,
Ауэ щIалэр щымыIэж.
Пасэ дыдэу, куэд мыхъуауэ,
ГъащIэ гъуэгур зэпычащ.
Зы щхьэгъуси имыIауэ,
Ар Алыхьым тIихыжащ.
ЩIалэ дахэрэ мышынэр
Зэи дигу имыкIыжын.
Ди Анзору щIалэ дыщэр
Хэт иджы къытхилъхьэжын?
Къафэу абы уIуплъамэ,
Гъуэгу утетми, дэбдзыхынт.
Къызэрыфэм и макъамэр
ИмыкIыжу уигу къинэнт.
ЗэхэтхыхукIэ а макъамэр
Къытолъадэ ди нэм нэпс,
ГукъэкIыжхэм, ещхьу къамэм,
ЗыхаукIэ гущхьэм нэс.
Махуэм и псэ дыгъэ къепсым
ПащIу цIыхухэм яхэтащ,
Ауэ, кIэщIт езым и гъащIэр,
Пасэ дыдэу тхэкIыжащ.
Пэжщ, ар сэкIэ лIа хуэмыдэ –
СыпсэухукIэ здэщIыгъунщ.
И хьэл-щэныр, и псэ лыдыр
Си гъуэгу гъуазэу къысхуэблэнщ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, Бэрбэч Аслъэнджэрий, Бэрбэч Аслъэнджэрий и усэхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 232

Сообщить об опечатке

Текст, который будет отправлен нашим редакторам: