Псалъэжь: Благъэжьрэ дыжьыныжьрэ.
ПсынщIэрыпсалъэ: Зазэ и зэзыр зэзэмызэ мэуз.
Къуажыхь: Дарий мэз шыбзыбэ щIаху. (Ужьгъэ)
ГушыIэ: Сылэжьэнщ жысIати, мыбыи Интернет щыIэщ…

Уэрыншэу дунейр…

Созэш… Сыщозэш уэрыншэу дунейм… Сесэжкъым уи нитIым сызэрыщIэмыплъэнум къысхуихь гукъеуэм. Уеблэмэ, сытебзэхыкIыжыну сфIэигъуэщ уэ ущызимыIэж, ущызмыгъуэтыж дунейм… Дуней зеиншафэм… И насыпкъэ уэ узыхуэпсэум, дунейм узыхутетым – и гурыфIыгъуэр щIэншэу, и дунейр зэпэщу мэпсэу ар. Сэ абы шэч къытесхьэркъым. ЩIэчэ имыIэу уогъафIэ, щIэщыгъуэмрэ фIыгъуэмрэ я курыкупсэм хэбгъэсщ. Гупсысэм я нэхъ гуапэр лъогъэс. УщытеплъэкъукI къэмыхъуу и псэр уохъумэ, и гум къэкI гуапагъэм ухуохъу джэрпэджэж. Слъэгъуам хуэдэу сощIэ, – зы лъэбакъуэ лейуэ пчамэ, утехьэулеикIауэ къыпщыхъужу, зы бэлыхь къытепсыха къыпфIэщIу, унэм упIащIэу уокIуэж. Сыту фIыщэу плъагъурэ уэ ар! Дамэ къыптригъэкIа пэлъытэщи, дуней жэнэтыр къызэхэплъэтыхь хуэдэщ, уи гъащIэри, уи псэри а зым тыхь хуэпщIын хьэзыру уопсэу. Уи гурыфIыгъуэр кIэншэщ. ГуфIэгъуэм зыхогъэпскIыхь. Сэ созэш… Сыщозэш уэрыншэу дунейм… Сытозашэ си хъуреягъкIэ къыщекIуэкI псоми. КъызозэвэкI мы щIы хъурейр, къысщохъу сыщылейуэ мы гъащIэм… Псоми яфIэтелъыджэ гъащIэ теплъаджэм… Уэ ущыспэIэщIэ дунейри, уэрыншэу къыпызбжыкI зэманри сыткIэ лъапIэ?! Фейдэ къыпэзгъэкIуэн щызогъэтри, телъхьэ хуэсщIыжу хэти естыну сыхьэзырщ апхуэдэ гъащIэр. Ауэ ухуэупсэ хъуну пIэрэ зыгуэрым абыкIэ? ФIэщщIыгъуейщ псэ зыIут гуэри а тыгъэм щыгуфIыкIыну. И псэ гуэгъум хуэныкъуэ зэпыту, а зым IущIэным кIэухыншэу щIэхъуэпсу, мы дунеижьыр и щхьэм къыфIаIубами ярейуэ, нэплъэжыгъуэ зымыгъуэту псэуну зи нэ къыхуикI, дауи, гъуэтыгъуейщ. Гъэвыгъуейщ псэм бдзапцIэу къытещIэ гупсысэ ткIыбжьхэр, шэчыгъуейщ, хьэцэпэцэм ищта хуэдэ, акъылыр зэщIэзыблэ гуныкъуэгъуэхэр, лъытэгъуейщ бжьэ зэуам ещхьу гур зыгъэбжьыбжьхэмрэ зыгъэбэгхэмрэ. Сэ созэш… Сыхуозэш уи теплъэм… уи зэ Iуплъэгъуэм… уи псалъэм… уи гуфIэкIэм… Уэрыншэу гъащIэр пэш нэщIщ, уи макъыр зэхэзымыхыж си тхьэкIумэр дэгуми ярейщ, узыщIэмыплъэж си нитIыр хьэфиз пэлъытэщ. Созэш… СогумэщI… СожэщI… икIи сесэжкъым… Сесэжкъым хъуэпсапIи теупIи щызимыIэж, уэрыншэу зыкIи сызыхуэмыныкъуэж гъащIэм…

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я прозэхэр, Жамбэч Рабия, Жамбэч Рабия и прозэхэр, Прозэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 283

Сообщить об опечатке

Текст, который будет отправлен нашим редакторам: