Псалъэжь: Хабзэр сщIэ щхьэкIэ, ирабзэр сIэщIэлъкъым.
ПсынщIэрыпсалъэ: Пхъэр сошэр – пхъыр сошхыр.
Къуажыхь: Къуажэр зыгъапцIэ, пцIым кърихьэкI. (КIыгуугу)
ГушыIэ: Индиям судым ущыщIэсым деж уэрэд жыпIэу ядэкъэм.

И цIэр зыфIещыж

«Убылымщ, губгъуэм хъуакIуэу итым нэхъыбэ къыгуроIуэ, уэр нэхърэ», — башыр игъэдалъэу, и псэлъэгъур зэIуригъэлъэдэным хуэдэу щхьэщытщ егъэджакIуэр и гъэсэным. Жагъуэ пщымыхъуу къанэркъым, IэщIагъэ псоми нуру къахэщыпхъэ егъэджакIуэ лэжьыгъэм фагъуэ, пшагъуафэ къытсзыгъауэ а псалъэхэр щызэхэпхкIэ. ПлъэмыкIыуи апхуэдэ псэлъэкIэм уи гум мы гупсысэхэм зыщрагъэшэщI: «Хьэм и цIэр зейм фIещ, цIыхум и цIэр езым зыфIещыж». И акъыл хунэмыскIэрэ зыфIищыжа цIэр хуэфащэ дыдэт абы, екIупсыуи IэщIэлът и Iэхъуэ башыр. Ауэ мыгурыIуэгъуэу, гуитIщхьитI укъищIу, итIани мыбы зыгуэр хэлъщ. Илъэс зыбжанэкIэ сгъэджакIуэу лэжьамрэ Iэхъуэу губгъуэм итамрэ суд пащхьэм щыхьэту щагъэувыркъым, жаIэ. АтIэ а лэжьыгъитIри зэдэууэ сзыхьэкIым сыт хужыIапхъэ? ЛэжьапщIэ къызыпэкIуэ псори лэжьыгъэу зэрыщытым и закъуэкъым абы нэсу хузэхэмыгъэкIыр. АтIэуи щхьэм къыхуэбзэуж пщIэм нэхъ пщIэ дунейм зэрытсмытри къыгурыIуэркъым, абы нэхъ лъапIэ цIыху гъащIэм къызэрыхыумыгъуэтэнур къыхуигъэтIасэркъым. Дауэ-тIэ ар зэрысгъэджакIуэр?! Хьэмэрэ мыегъэджакIуэрэ?!

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я прозэхэр, Жамбэч Рабия, Жамбэч Рабия и прозэхэр, Прозэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 238

Сообщить об опечатке

Текст, который будет отправлен нашим редакторам: