Псалъэжь: Дахагъэм гyp егъэгушхуэ.
ПсынщIэрыпсалъэ: Мыщэр пэщащэурэ мащэм ищэтащ.
ГушыIэ: ЦIыхухэр зэкъуэшщ, ауэ псори акъылкIэкъым.
Къуажыхь: Дэнэ укIуэми, пкIэрымыкI. (Ныбжь)

Къэплъыхъуэр

Ерыщыгъэм и лъахэм

Хъийм уикIауэ умыерыщ, умыинат апхуэдизу. Абы уэ уи нэ къызыхуикI гуэри къыпэкIуэну си фIэщ хъуркъым. ПщIэрэ, уи насышыгрщ, уи лъагъуныгъэрщ узэлъэпауэр, къыбгурыIуэжыххэIауэ щытмэ. Сыт апхуэдиз гугъуехь гъэткIугъуейр уи псэм щIытеплъхьэр, уIэгъэхъужыгъуей птезыщIэ щыгъыну кхъуэбанэкIэ IулIар уи пкъыш щIыкуэбгъэфащэр? Уи акъылыр игъэутхъуэрэ уи гупсысэр зэблигъэплъу хэти и жыIэ узытемыкIыр? Гъатхэ пасэм и дыгъэм игъэщхьэрыгуэу, игъэделэу гулъ къэзыщIа жыгхэм я ужь къиувэжа жьыбгъэ гущIэгъуншэу, зи мычэзу жэп гуащIэр щхьэ къытебгъахэрэ уи лъагъуныгъэм? Уи акъылымрэ уи гупсысэмрэ вакъэ зэв зэдибгъэувэкIэ, уи гумрэ уи псэмрэ щIакIуэ кIапэ зэдытебгъэувэкIэ, Iэпкълъэпкъыу уиIэмрэ лъыуэ пщIэтымрэ зэныкъуэкъу зэпыту епхьэкIкIэ, гъащIэм и къэуат гуэри зэрызэхыумыщIэнур, и IэфIагъ лъэпкъи къызэрыплъэмыIэсынур къыщыбгурыIуэнур сытым щыгъуэ? Сытым щыгъуэ уи пащхьэм зыщызыгъафIэу, уи пщIыхьым укъыщызымыбгынэу, уи гъури уи цIыни къыбдигъэвыну хьэзыру гъащIэ тыгъэу къыпхуигъэщIам уи нэр къыщыхузэтепхынур? Апхуэдизу уи щхьэм уеижыныр дэни къыпхуиукI мыгъуагъэт?

Уи гупсысэ IуэнтIахэм, жыглыц гурымыхь гъэсеигъуейкIэ зэщIэблахэм я гъэкIуэдыныр къызэрымыкIуэу гугъу зэрыхъунум къыдэкIуэу, уи гъащIэр кIыфIыгъэ зэфэзэщу епхьэкIынкIэ ущIэшынэн уи Iуэхум зэребэкIым шэч къытумыхьэ. Лъагъуныгъэ нэсым зэщIигъэста мафIэм къит хуабэм нэхъ гуакIуэ, гунэс зэрыщымыIэр, абы пигъэна уэздыгъэм къидз нурым нэхъ нахуэрэ нэхурэ зэрумыгъуэтынур къыщыбгурыIуэнур кIасэIуэу къыщIэкIынкIэ зэрыхъунум си гур пщIегъэгъу. ГурыIуэгъуэкъым зэманыр жьы фийм щIыхуэбутIыпщыр, уи лъагъуныгъэр къызыдэплъ щхьэгъубжэм, зэ нэхъ мыхъуми, уи нэр щIыхуумыгъазэр, у и бжэм иIэ дамэдазэм щыгуфIыкIыпэу нежалIэ насыпым гущIэгъуншэу укъыщIелъэпауэр. Щхьэ къыбгурымыIуэрэ, хьэлъкъищэ епту IункIыбзищэ щIэбгъэбыдэжа папщIэ, уи натIэ къритхам узэрыфIэмыкIынур? Хунэсыжкъым аркъудейм уи щхьэр. Хунэсыжкъым ерыщыгъэм и лъахэм щхьэхуимыту ибдза уи псэм зыкIи къэхэша зэрымыхъун къару лъэщ гуэрхэр тепыIэншэу лъэныкъуэ куэдым къыщыщыхуоулъэпхъащэри. Сыту мыгъуэу тезыр гущIэгъуншэ ятеплъхьэрэ уи гупсысэми, уи акъылми, уи Iэпкълъэпкъми, а псор зи Iумэтым ит уигу тхьэмыщкIэми. IхьэмыщкIэм къыщымынэу, псэм хуэкIуэ лъагъуэу къэхутэжыгъуей хъуам, зэ нэхъ мыхъуми, къытехутэжыну щIэхъуэпсу бэIутIэIу зэфэзэщу езыхьэкIын хуейуэ къызыхущIэбгъэкIым.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я прозэхэр, Жамбэч Рабия, Жамбэч Рабия и прозэхэр, Прозэ

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 234

Сообщить об опечатке

Текст, который будет отправлен нашим редакторам: