Псалъэжь: ЛэжьэнкIэ уашхэщ, шхэнкIэ дыгъужьщ.
ПсынщIэрыпсалъэ: Пыжь пызу пыту жыг.
Къуажыхь: Ди бжыхьыпэ лы цIыкIу пызщ. (Бзу)
ГушыIэ: ПсынщIэу къэпщтэжар емыхуэха хуэдэщ.

Япэ лъэбакъуэхэр

– Сэ адыгэ унагъуэ сыкъыщалъхуащ, сыкъыщыхъуащ, апхуэдэу мэкъумэшым хэзмыщIыкIыу сыщытуи къыщIэкIынкъым. Дэ, зиунагъуэрэ, адыгэр игъащIэми дымэкъумэшыщIэкъэ? Ди адэхэм, абыхэм я адэжхэм мэкъумэшым я Iэр хэлъу къекIуэкIащ. Дэри дыаращ, хуейщ хэтщIыкIын! ЖьантIэ 40 Редакторыр арэзы ищIат апхуэдэ жэуап тыкIэм. Техъуэжат езыри абы арэзы – унафэр унафэт, зихъуэжынутэкъым, уэ сыт жыпIэкIи. ИтIанэ, Къамбот гуфIэн хуейуэ арат, дэнэми, зыщIыпIэ къащтэххэмэ. ЛIо, иджы отделхэдэищIуяпэувыжынуарат? ИгъащIэ псокIэ имыщIэну Iуэхут ар Къамбот! ЦIыхуиплI хъууэ щIэсынут зы пэшым

– Мыз Нэфихь, Хьэжыкъарэ ТIалэ, езы Къамбот. Бэчкъан Инал я унафэщIт. Псом нэхърэ нэхъыжьыр Мызырат. Абы еханэ илъэсипщIыр иуныкъуауэ е гъунэгъуу бгъэдыхьауэ къыщIэкIынт. ЛIыжь зэпIэзэрытт, щэхут, псалъэ лей пхужиIэнутэкъым. ЦIыху гъэса жыхуаIэм хуэдэт. Псом нэхърэ нэхъ япэ къэувауэ лажьэрти, лажьэрт, ахъу абы теухуауэ зыми зыри ищIэртэкъым. Паспорт къудей игъащIэм имыIауэ икIи имыIэу арат тхьэ зыщаIуэр. Езыми зыри жиIэртэкъым а къыхужаIэхэр щызэхихыжкIэ. Зэи уэимышхуэ ищIыртэкъым, сыт жаIэми, къыпыгуфIыкIыу щыс мыхъумэ. Мыпсэлъэрейми, гъэщIэгъуэныратэкъэ, алмэстын хъыбар къэхъеямэ, дунейр щыгъупщэрти, сыхьэт бжыгъэкIэ пхутепсэлъыхьыфынут. И фIэщу жиIэрт адэ нэхъ пасэм зы алмэстыныхъу гуэрым я къуажэ фызабэ щIасэу иIауэ. ИтIанэ, абы махуэм лэжьапIэм щызэхих-щилъагъухэр пщыхьэщхьэм къыщIэнэрти итхыжт, и стIол къыдэгъэжым дигъапщкIуэрти, иужькIэт щыкIуэжыр. Мо лIы зэIэщIэлъым, езым и зекIуэкIэ къудейр-щэ?! Мыщэм ебэныну кIуэ фIэкIа зэрыпщIэн дунейм теттэкъым, и щIыбымкIэ ущеплъмэ. Пэж дыдэу, ебэнауи жаIэрт ар мыщэм.

ЩакIуэм, щакIуэ Iуэхум теухуауи куэд ищIэрт, мыщэ хъыбари хэту. Ауэ гу лъыптэрт щIэныгъэм куууэ зэрыхэмыхьам, бгъэдэлътэкъым щIэныгъэшхуэ. ЗэрыжаIэмкIэ, курыт еджапIэр къиуха-къимыухат. Ауэ адыгэбзэр псом нэхърэ нэхъыфIу игъэшэрыуэрт, узригъэхъуапсэу Iэзэуи тхэрт. Отдел зыхэсым дэнэ къэна, редакцэ псом псалъэ гуэрым къикIыр ямыщIэу ирихьэлIамэ, къакIуэрти абы къеупщIырт. Щагъуэтырт жэуапи. Зэи зэхэпхынтэкъым абы «сщIэркъым» жиIэу. Къамбот бзаджэ цIыкIум гурыщхъуэ ищIырт, къызэреупщIам и тэмэмыпIэр имыщIэми, къигупсысурэ жэуап яриту. ЛIот, уэ умыщIэр зыщIэ къыкъуэкIыу, укъыщыщIэмыщыжынукIэ?! Зэ абы зыгуэр, Къамботи щысу къеупщIат, а «Беларусь» жыхуаIэ хьэфэ шэрхъ лъагэ зыщIэт тракторыжь цIыкIухэр мыхъуу, зи шэрхъи сыти зэрыщыту гъущI адрей трактор лъэщхэм зэреджэр сыт, жиIэри. – Шэрхъырыпщ, – жиIащ Нэфихь, а жиIэм шэч лъэпкъ къытумыхьэжын хуэдэу щIэгъэбыдауэ. – Сыт абы щхьэкIэ «трактор» хамэ псалъэшхуэр уи тхыгъэм щIыхэпIун хуейр, адыгэбзэкIэ цIэ иIэу! Бэчкъаныр я нэхъыщIэIуэт. Фэ зэруплъынумкIэ, я нэхъ бзаджэт икIи. ЛIы фIыцIэ лъахъшэт. Къамбот игъащIэ лъандэрэ жыхуаIэм хуэдэу ицIыхурт ар икIи къицIыхужырт.

Бэчкъаным еджэн къыщиухам Дыгъужьыкъуэ егъэджакIуэу ягъакIуэри, адыгэбзэмрэ литературэмкIэ щригъэджат, Къамбот етхуанэ классым щIэсу. ЕджакIуэхэм я фIэгъэщIэгъуэнт Бэчкъаныр лъэныкъуэ куэдкIэ. ЖамыIэн жаIэрт, ямыщIэн ящIэрт, къуейщIейхэрт, ар ягъэпсэлъэн, жиIэхэм иридыхьэшхын къудей щхьэкIэ. Къамбот жагъуэу илъагъутэкъым ар. Псом нэхърэ нэхъ цIыкIути (зауэ нэужьым зи къэшэгъуэ нэгъунэ хэст етхуанэ классым!), тегушхуэн къащIмэ, къыщхьэщыжырт. Зэ Къамбот и пыIэщIэ я мамэ ЖьантIэ 41 БицIу Ахьмэд и къуэ Хьэмышхэ я деж тхъу литритIкIэ къыщищэхуар трахауэ футбол доджэгу жаIэри, топ папщIэу ирахужьауэ классым лъапэкIэ къыщрахуэкIыу къатрихыжауэ щытат. Ауэ еджакIуэм егъэджакIуэм и хьэл псор дэнэ щищIэнт, иджыт Къамбот ар и цIыху щIыкIэкIи, и хьэлкIи, и дуней тетыкIэкIи зыхуэдэр къыщищIэр.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3

Зыхыхьэр: «Шыхулъагъуэ» хасэм хэтхэм я прозэхэр, Прозэ, Хьэх Сэфарбий, Хьэх Сэфарбий и прозэхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 354

Сообщить об опечатке

Текст, который будет отправлен нашим редакторам: