Псалъэжь: Жьым тесу псым йопыдж.
ПсынщIэрыпсалъэ: Пхъэр сошэр – пхъыр сошхыр.
Къуажыхь: КIуэ пэтми, бжьиз зымыкIу. (Гущэ)
ГушыIэ: Улэжьэну ухуей, гъуэлъ - ухуеижынукъым.

Къамбот къалэм япэу зэрыкIуар

«Дуней гъащIэ» тхылъым щыщщ

Къамбот цIыкIухэ я унагъуэр цIыхуищ къудейщ зэрыхъур: езыр, я мамэ, и къуэш нэхъыщIэр. Я папэ зауэм хэкIуэдащ, я мамэ и лъакъуэхэр илъэфу фIэкIа зекIуэфыркъым, ныкъуэдыкъуэщ, езым нэхърэ илъэсиплIкIэ нэхъыщIэ и къуэшыр илъэситхущ зэрыхъур. Къамботщ унагъуэр зезыхьэр. ЦIыхур къулейсызщ, илъэситI хъуауэ аращ зауэр зэрыувыIэрэ…

Пщыхьэщхьэм хуабжьу ешауэ гъуэлъыжами, зэрыжея щымыIэу Къамбот къэтэджащ пщэдджыжьым жьыуэ. Жэщым жьы къепщат. Абы къыпигъэлъэлъа мыIэрысэхэр къищыпри, зэхидзыжащ.

— Мамэ, мыхэр тхьэмахуэр къэсыху фын?

— Хьэуэ… Сыт щIыжыпIэр?

— Бэзэрым схьынурэ сщэнущ, Битокъу Хьэлийхэ ящэ вакъапхъэхэм хуэдэ къэсщэхунурэ, гуэншырыкъ уэзгъэщIынущ.

— Елърэ абы зэпиIухэр!

— ЗэпыIугъуей ахэр?

— Пхуэхь мыгъуэрэ, хьи, ар уэ бэзэрым?

— Уэи, схьынмэ, къэп зэпедзэкI сщIынщи. Пэгун цIыкIуитI хъуми аращ. Апхуэдиз мэзым къисхакъэ сэ, мы цIыкIу къыщытщыпым?!

Iхьэмахуэ махуэхэм къуажэкIэ куэд жьыуэ, джэд щыIуэм къэтэджырти, мэзымкIэ щIэкIыу, къалэ бэзэрым кIуэрт. Къамбот абы теухуауэ хъыбар Iэджэ зэхихыжырт.

Iхьэмахуэр къыщысым, зэгурыIуащ нэхумыщым, джэд щыIуэм, къэтэджу ежьэнхэу. ТIакIухуэ Гуащэкъарэ къигъэгугъащ абы и Къамбот цIыкIуи здишэну. Щэ-плIэ къэушагъэнщ Къамбот, джэд Iуэгъуэр къыхуэмыгъэсу. Сытми, зэ ТIакIухуэ щхьэгъубжэм къытоуIуэ.

Анэм ар зэхихыххатэкъым, Къамбот къыщыщылъэтам.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3 4 5 6 7

Зыхыхьэр: «Шыхулъагъуэ» хасэм хэтхэм я прозэхэр, Прозэ, Рассказхэр, Хьэх Сэфарбий, Хьэх Сэфарбий и прозэхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 528

Сообщить об опечатке

Текст, который будет отправлен нашим редакторам: