Псалъэжь: Сабий зимыIэм имыIэIауэ къыщохъу.
ПсынщIэрыпсалъэ: Зазэ и зэзыр зэзэмызэ мэуз.
ГушыIэ: Ахъшэм зэ иухын щIедзэ, зэм щIидзэн еух.
Къуажыхь: Жыг зылъахъэ, лъахъэбжьэншэ. (Лъэнтхъуий)

Къэплъыхъуэр

Си Iэлъыныр узот

Еджэным зэрыщIидзэр къыдэзыгъащIэ уэзджынэм и макъыр щызэхэсхам, гъуджэм си Iупэр злэуэ сыкIэрытт. СыкъыкIэрыхут, ауэ къысфIэIуэхукъым — зызогъэдахэ.
— Мадинэ, аргуэру дыкъыкIэрыхуащ! Зэ мыхъуми зэ дыкъыщIахужауэ тлъагъунщ!
Си ныбжьэгъу Зухра гузавэ зищIми, сэр нэхърэ зыкIи нэхъ пIащIэркъым. Здэпсалъэм, и нэр къэрэндащ фIыцIэкIэ щIеш.
— ДыкъыщIахужым, дыкIуэжынщ! Е паркымкIэ дунэтIынкъэ. ЦIыхухэм дахэплъэнщ, дэри закъедгъэлъагъуэнщ. Пэжыр жысIэнщи, къысфIэIуэхукъым зыкIи еджэныр. Абы тегузэвыхь си еджэгъухэр сфIэгъэщIэгъуэнщ – ахъшэрщ дунейр зыгъэкIэрахъуэр.
Абдежым къыщIыхьа хъыджэбзитIыр фIэфейцейуэ, зэпеплъыхь си гъусэм, итIанэ зыкъысхуегъэзэж:
— Хъунут. Ауэ, едгъэлейуэ къысщохъу.
— Си дахэкIей, иумыгъэлейт! И кIэри и пэри куратор сыхьэтыракъэ?
Зухра арэзыуэ и щхьэр ещI.
— НтIэ, сыту пIэрэ апхуэдизу узыхэкIыжу къыпщыхъур? Зыщ абы къыщекIуэкIыр: хэт сыт хуэдэ тхылъ еджами жаIыж, иныкъуэхэр мэтхьэусыхэ, бал мащIэ зиIэхэр я пашэу. Ди университетым къыщыхъуа, уэрэ-сэрэ къытфIэмыIуэхухэм зыхэтщIыкIхэм тепсэлъыхьын фIэкIа нэгъуэщI зыми и Iуэху зэрахуэнукъым.
— Пэжщ. Мажьэ пIыгъ?
— Си щхьэцыр зэрызжьыр сыт уи гугъэ?! – си щхьэц фIыцIэшхуэр зэзгъэзахуэри, сыкъыпыгуфIыкIыурэ, мажьэр хуэсшиящ.
— Гу лъыстакъыми аращ!
— Сэ сыхьэзырщ. – хьэпшып зэхуэсхьэсыжахэм сахоплъэ, си ныбжьэгъум сыздежьэм.

ДыздыщIыхьам, ди еджэгъухэр кураторым дэуэршэрт. Дэ ахэр къытфIэмыIуэхуу, и кIэ дыдэм щыт партэм дыдотIысхьэ.
— Мадинэ, Алимрэ уэрэ фи Iуэхур дауэ щыт? – жеIэ си ныбжьэгъум, щэхуу.
— Зэрыщытщ. Нобэ къыздэсым къэпсэлъакъым.
— Уигу къэкIыркъэ?
«Сыту утхьэщыхьэIуэ!»
— Сыт къэкIкIэ? Дэ тIум ди гъащIэр зыкIи зэлъэIэсынукъым афIэкIа. УощIэр-тIэ гъуэгуитI зэбгъурыту кIуэр зэрызэхэмыхьэр. Аращ ди Iуэхури.
— Хуейхэм лъэмыж тралъхьэри зэхагъэхьэ.
— Пэжщ! Хуейхэм…
— Зыри къызгурыIуэркъым. Зэуэ къэхъуар сыт?
— СщIэркъым. Ар сщIамэ, щIалэ сигу ирихьыр зыIэщIэзгъэкIынутэкъым. Си насыпым щхьэкIэ сызэуэнт.
Къызбгъэдэсым и щхьэр ехьэхауэ дакъикъэ зыбжанэ хъуауэ щыст. Къэхъуар абы къызэрыгурымыIуэм хуэдабзэу, сэри зыри хэсщIыкIыртэкъым. ФIыуэ силъагъуу, сэр фIэкIа хуэмейуэ жызыIам къысхуэмеижу зэхызигъэхат. Сэ абы сыдихьэх фIэкIа, лъагъуныгъэ зэи хузиIакъым, илъэсищкIэ къыскIэлъыкIуэу щытами. Сигу къеуэри, си жагъуэ хъуауэ сызымыгъэпсэури гукъэкIыжхэмрэ и яужь псалъэхэмрэт. Сыту щIалэ гущIэгъуншэу къыщIэкIа! И лъагъуныгъэри дэнэ жа? Сыту псынщIэу кIуэдыжа…
Си нэгу къыщIохьэж абы и теплъэ лъагъугъуафIэр. Сыту Iейуэ сыхуэзэшрэ. И макъыр си гум зэпымычу къыщоIу. Зэ закъуэ зэхэсхыжамэ, сыт хъунт? Япэхэм ещхьу, проспектымкIэ зытщIу дыкъехыжамэ, си гуапэт. Дэ тIури дызэкIужт. Дыкъэзылъагъур къыдэхъуапсэрт. БлэкIхэм я нэхэр лыду къыттенэми къытфIэмыIуэхуурэ зызыщыдмыгъэнщIу щыщыта зэманыр сыту фIыт! Зэпымычу согупсыс ди гъащIэ гъуэгухэр зэблэзышам. Къуаншэр сэрауэ схужыIэркъым. Си щхьэр щIэзгъэпудыжын лъэпкъ сщIакъым. Делэ цIыкIуу сыщыткъым. Езым хузохьри апхуэдабзэу зыпысщIэн, зыхуэзгъэкIуэн згъуэткъым. Ахъшэ, сэ фIыуэ слъагъум теслъхьэнущи, ари пцIыщ. Алим унагъуэ бей къыхэкIащ. Сэри зыкIи сынэхъ Iейкъым. МылъкукIи фIыуэ сытокIуэ.
— Мадинэ, схузыхуэгъэхъуркъым зырикI. ПщIэжыркъэ си адэм и лэжьапIэм сыIухьауэ слъэгъуащ щыбжесIар?
— Ммм.
Абы и адэмрэ сызэпсалъэу щытамрэ зэдэлажьэрт. Пэжыр жысIэнщи, ди зэрыцIыхунри Зухращ зи фIыгъэр. Иджыпсту ар зытепсэлъыхьыр зы мазэкIэ узэIэбэкIыжым къэхъуа Iуэхугъуэщ. Ар фIы дыдэу си гум изубыдауэ сщIэжырт.
— НытIэ, абы щыгъуэ жиIэу зэхэсхат щIэх къишэну, и унагъуэми зэрызехьэу загъэхьэзыру.
Зэхэсххэр къысфIэщI си гугъэу соплъыр. Ар дауэ, къишэну щыщыткIэ, щхьэ къысфIэна? Илъэсищым и кIуэцIкIэ сэ зыращ ар зэпсалъэу щытар. Сэр нэмыщI нэгъуэщIи щыIауэ пIэрэ?
— ЗэкIэ зимыумыс си гугъащ. Iуэхум фынэсым уэ езым къызжепIэну сыщыгугът… — къызбгъэдэсым и псалъэхэр зэхэсхми гукIи псэкIи дыщызыпыкIыжа махуэм сыщыIэт. Абы щыгъуэ Алим унэм сишэжырт. Ди уэрамым дыщытехьэж дыдэм гъуэгум тежри и машинэр игъэункIыфIащ. Абы сыхупыгуфIыкIри, къэхъуамкIэ сыщIэупщIэну си мураду езыр япэ къищащ.
— Зыгуэр ныбжесIэнути аращ.
— Сыту пIэрэ? – зэикI апхуэдэу и макъыр ткIийуэ щытатэкъыми сыкъэгузэват, зыгуэр къэхъуауэ пIэрэ жысIэу. И лэжьыгъэр шынагъуэти, абы занщIэу хуэсхьащ.
— Уэ фIыуэ

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30

Зыхыхьэр: «Шыхулъагъуэ» хасэм хэтхэм я прозэхэр, КIарэ Альбинэ, КIарэ Альбинэ и прозэхэр, Прозэ

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 5 378

Сообщить об опечатке

Текст, который будет отправлен нашим редакторам: