Псалъэжь: Псы Iуфэм Iут дзэлыр мэхъуапсэ.
ПсынщIэрыпсалъэ: Набдзэ и бдзапцIэр егъэцIу.
ГушыIэ: Улэжьэну ухуей, гъуэлъ - ухуеижынукъым.
Къуажыхь: Зи кIэр памычу бом щIэмыхьэ. (Кхъужь)

Къэплъыхъуэр

Удз гъэгъам дэгъужхэр

И щIалэгъуэм цIыхубз гурыхьу щытауэ къыщIэкIынущ Даринэ. КъощIэ ар: цIыхубз псыгъуэ кIыхьыр сытым дежи гуфIэжу, дунейм къыщыхъу псори зыфIэхьэлэмэт сабийм хуэдэу и напщIэр Iэтарэ, и нитIыр къилындыкIыу, щIыфэ хужь щабэм хуэщIыхуфэу къызэпхырыщ лъынтхуэхэм, гурыщIэ щэхухэм кърахуэкI лъы пщтыр ирижэр и Iэпкълъэпкъым иджэгухьыу, къызэщIигъанэрэ нэкIущхьэплъ гуакIуэ къищIыу… Даринэ и ныбжьыр илъэс тхущIым фIэкIами, дэтхэнэ цIыхубзыщIэ цIыкIум пеуэфыну зэкIэлъыкIуэщ, къабзэлъабзэщ. Хъыджэбз Iэпкълъэпкъщ, лантIэщ. Зэи лъхуакъыми, и бгыр зэрыпсыгъуэу къэнэжащ, и бгъэ цIыкIу хъуэпсэгъуэр мащIэу и бостейм къыдощ. Дунейм иджыри къэс имылъэгъуа тхьэIухуду пхужыIэнкъым, пцIыр сыткIэ щхьэпэ, ауэ ухуемыплъэкIыжынкIэ Iэмал имыIэу, гуакIуэщ. Гуапэщ. Iущабэщ, бзэIэфIщ.
Апхуэдэхэр сыту ямышэрэ?! Щхьэ унагъуэ яхуэмыухуэрэ? ЦIыхухъухэр дэнэу пIэрэ здэплъэр, Даринэ хуэдэхэм фIэплъыкIыу?! Ар псори гъащIэм къызэрыпхуихьщ. ЗэрытщIэщи, насыпыр – хьэжьщ, къыздыкъуэхунури пщIэнукъым. Мис, Даринэ «и жьыщхьэ» къызэрыхукъуэхуам хуэдэу. Пэжкъэ-тIэ, и жьыщхьэкъэ?! Абыи узэреплъщ. ЩыIэщ къуажьэдэс фыз, илъэс тхущIым деж и нэкIур зэрыщыту зэлъарэ и фэм имытыжу, и тхыр лэжьыгъэм къигъэшауэ. Нысэхэр яIэжу, къуэрылъху-пхъурылъхухэми яхэплъауэ, уеблэмэ абыхэм я быныжи зылъэгъуа. Абыхэм я гъащIэр щызу жыпIэ хъунущ, цIыхубзым илъагъун хуей псори ялъэгъуащи.
ЩыIэщ Даринэ хуэдэхэри. Я ныбжьыр илъэс щэныкъуэм щхьэпрыкIами, хъыджэбз цIыкIуу, къагъэщIэну псори иджыри къапэщылъу, зэфэну псыр къэмыжауэ къащыхъужу. Къащыхъужу! Абы къикIрэ-тIэ, унагъуэ яхуэмыухуамэ, быным и IэфIагъыр зэхамыщIамэ, къуэрылъхуи ямылъэгъуамэ, я гъащIэр щымызу, мыгъащIэу?! Насыпыр ара къызэрапщыр? Сыт насыпым пщалъэ хуэхъур?
Даринэ щхьэзакъуэщ, ади-ани иIэжкъым, дэлъху-шыпхъухэр унагъуэщ, щхьэхуэщ. Мыр и анэжь и гъусэу игъащIэ лъандэрэ псэуащ, кIэлъыплъу, зэрихьэу. ИужьыIуэкIэ, Даринэ лэжьапIэ Iутт, махуэ псом бгъэдэсыфтэкъыми, пщIэкIэ цIыхубз къищтэри, игъэлэжьащ. Къалэдэсхэр аракъэ, зэманым дожэ, къэувыIэу, фIыуэ ялъагъухэм гу щахуэну, IэплIэ хуащIыну, лейуэ псалъэ гуапэ жаIэну яхущIыхьэркъым. ЗэрыжаIэмкIэ. Бгъэкъуаншэ хъуну къыщIэкIынкъым. Арами… Уи анэр. Сымаджэ хьэлъэу.
Даринэ езым и щхьэ Iуэхуи зрихуэн хуейтэкъэ-тIэ?! Махуэ псом лэжьапIэ уIутрэ, пщыхьэщхьэм анэ сымаджэм ухуэпIащIэмэ, фIыуэ плъагъу цIыхухъум ущыхуэзэнур дапщэщ?! ЦIыхухъу! ФIыуэ плъагъум… ЦIыхухъу… Арай Даринэ лъэтэным хуэдэу дамэ къытекIауэ уэрамым къыщIрикIуэр иджыпсту! Арай ар иужьрей зэманхэм нэхъри нэхъ зыкIэлъыплъ щIэхъуар,

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3 4 5 6 7 8 9 10 11 12

Зыхыхьэр: «Шыхулъагъуэ» хасэм хэтхэм я прозэхэр, Къаныкъуэ Анфисэ, Къаныкъуэ Анфисэ и прозэхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 162

Сообщить об опечатке

Текст, который будет отправлен нашим редакторам: