Псалъэжь: Тхылъыр щIэныгъэм и IункIыбзэщ.
ПсынщIэрыпсалъэ: КIыгуугур хьэгуагуэ? ХьэкIагуэ кIыгуугу?
ГушыIэ: Улэжьэну ухуей, гъуэлъ - ухуеижынукъым.
Къуажыхь: Жьэгудэсрилэ, псыкъуий ныбэф. (Къубгъан)

Къэплъыхъуэр

ГъащIэ кIэщIым и зы жэщ кIыхь

Жэщыр хэкIуэтащ… Махуэ кIыхьым иригъэша къалэр хуэмурэ жей IэфIым гъэр ещI. Зэтет унэхэм я щхьэгъубжэхэр, иныжьым и нэхэр игъэущIэращIэ къыпфIагъэщIу, зыр къыщIонэ, адрейр мэункIыфI. НэщI хъуащ къалэ уэрамхэри, зэхэпхыжыркъым зы лъэ макъи.

Зэпыуащ къуалэбзухэм я уэрэдри. Жыг тхьэмпэ цIыкIухэри, щхьэхыпэу зэзэмызэ загъэхъей мыхъумэ, щымщ. ЖыпIэнуракъэ, дунейм зегъэпсэху. Щыхуншэ хъуа уэрамхэм хуитыжьу къыщекIухь бжьыхьэм, и тетыгъуэщи, зетIыж. И хъумакIуэ пэжхэр — уэшхымрэ жьымрэ — къызэрысар цIыхухэм кърагъащIэмэ я фIэфIщи, дэнэ лъэныкъуэкIи щоIэуэлъауэ. Уэшхым уэрэд жеIэ, жьыр Iэгу йоуэ. Ауэ жей IэфIым хэт цIыхухэм абы я джэгукIэр ауи кърадзэркъым. Сэ зыращ ныжэбэ мыжейуэ а псом едаIуэр. Ныжэбэ и закъуэ?! Жэщ Iэджэ хъуауэ мы пэшым щыхамэщ жейр, дыхьэшх макъыр. Ауэ щыхэгъэрейщ нэпсыр, узыр.

Зэзэмызэ сыжеями, сигъэпсэуркъым пщIыхьэпIэ бзаджэм. Сыт щыгъуи а зыращ слъагъур: щыгъын фIыцIэкIэ хуэпауэ цIыху гуэрхэм сыкърахуэкI. Сэхэр яIыгъщ, саукIыну зыкъыстрашащIэ. Ауэ саIэщIокI, аргуэруи саубыдыж. Си макъ къызэрикIкIэ сокIий, зыгуэр къыздэIэпыкъунуи солъаIуэ, зы цIыхуми сызэхихыркъым. Сыгъыу сыкъоуш. АдэкIэ жэщ ныкъуэр сымыжейуэ согъакIуэ.

Иджыри аращ. ПщIыхьэпIэм сыкъигъэушащи, си напIэ схузэтелъхьэркъым. Си нэгу щIэкIыркъым си гъащIэм къещэу сыкъезыхуэкIахэр. СыкъызэфIэтIысхьэну сыхуожьэ, ауэ узым зэщIиIулIа щхьэр схуэгъэхъейркъым. ИтIанэми, къарууэ сиIэр зэхызолъхьэри сыкъотэдж. СыздэкIуэри сщIэркъым. Зы дакъикъэкIэ зызмыгъэхъейуэ сыщытщ, иужькIэ пIэм сохуэж. Си гум псэхугъуэ игъуэткъым, Iэпкълъэпкъыр зыгуэрым зэредзэ,щхьэр узым и гъэрщ. Си дэтхэнэ бэуэгъуэри иужьрейм къалэныр ягъэзэшДауэ къащохъу. Ауэ хущхъуэкъым сэ сызы-хуэныкъуэр, сымаджэщкъым сэбэп къысхуэхъунур. Псэхугъуэ къызэзымытыж гупсысэхэр зэсхьэлIэн цIыхущ сызыхуэны-къуэр. Ауэ псори къысхуэгущIыIэщ. Зыми фIэгъэщIэгъуэнкъым апхуэдэу сыщIэхъуар.

Ауэ щыхъукIи, делагъэракъым сэ а щхъухьым сыхуэзышар, атIэ гу бампIэращ. Сэри сиIащ гъащIэ дахи, лъагъуныгъи, насыпыфГэ дыдэ сыхъунуи сыщIэхъуэпсырт. Школыр фIы дыдэу къэзухри, еджапIэ нэхъыщхьэми сыщIэтIысхьат. Сыт хуэдиз щытхъурэ хъуэхъурэ схужаIат сэ! Сыт хуэдиз муради сиIат? Ауэ а псори зыми щыщтэкъым, сэ адэкIэ къыспэплъэхэм елъытауэ. ГъащIэр зищIысыр къыщысщIар фIыуэ слъэгъуа цIыхум сыщыхуэзарщ. Си гум и гуэгъур къэзгъуэтыжри псэхужат. Закъуэныгъэ гъащIэр адэ жыжьэу къыщынат. Махуэхэр пщIыхь IэфIым хуэдэу кIуэрт, сэ нэхърэ нэхъ насыпыфIэ дунейм темыту къысщыхъужырт. Ди гуфIэгъуэм гу щысхуэжыртэкъым.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3 4

Зыхыхьэр: «Шыхулъагъуэ» хасэм хэтхэм я прозэхэр, ГъукIэ Маринэ, ГъукIэ Маринэ и прозэхэр, Прозэ

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 425

Сообщить об опечатке

Текст, который будет отправлен нашим редакторам: