Псалъэжь: Вым худэмышыр и вейщ.
ПсынщIэрыпсалъэ: Зазэ и зэзыр зэзэмызэ мэуз.
ГушыIэ: Щхьэр узым - пфIэтщ.
Къуажыхь: Адакъэ мыщ, хьэщIэщ кIуэрей. (Щхьэнтэ)

УздэщыIэр

Къэплъыхъуэр

КъудамэщIэр утыку къохьэ

«Шыхулъагъуэм и вагъуэхэр» пшыхь, 2010

«Шыхулъагъуэм и вагъуэхэр» пшыхь, 2010

Шыхулъагъуэм хэтхэм дащогугъ ди адыгэ литературэм зы къудамэщIэу къыхэувэну. Аращ абыхэм я усэхэмрэ рассказхэмрэ зэ-рыт тхылъ мы гъэм къыдэдгъэкIам «КъудамэщIэ» щIыфIэтщар, ар яфIэ-мытэмэмыщэу псэлъа щыIами, дукъуэдийуэ. Мыбы я тхыгъэ ихуащ литературэ хасэм хэтхэм зи творчествэкIэ нэхъ къахэжэпхъыкIахэу Къуэныкъуей Альберт, Жэмбэч Рабия, Нартокъуэ Анжеллэ, Къаныкъуэ Анфисэ, КъуэщIысокъуэ Марьянэ, Къэзан-Гъыдэ ФатIимэт, КIарэ Альбинэ, Щомахуэ Залинэ, Гугъуэт Заремэ, Хъуэжэ Жаннэ, Бэрбэч Аслъэнджэрий сымэ я усэхэмрэ рассказхэмрэ.

Дызэрымыгугъауэ тыншу икIи псынщIэу дунейм къытехьащ «КъудамэщIэр». Гуапэщ, IуэхузэфIэкIщ, лэжьыгъэ къепхьэжьэр къыбдаIыгъмэ. А тхылъыр къыдэдгъэкIыну щыжытIэм, «Эльбрус» тхылъ тедзапIэм и унафэщI Ацкъан Руслан псалъэ къыхигъэкIакъым, екIуу гъэщIэрэщIауэ, тхылъымпIэфIми тедзауэ къытхудигъэкIащ. КъыдэкIа тхылъыр утыку итхьэн щыхъуми, абыкIэ дызыбгъэдигъэхьауэ зы цIыхум дыкъигъэщIэхъуакъым. Республикэм ЩэнхабзэмкIэ, ХъыбарегъащIэ IэнатIэхэмкIэ, цIыхубэ зэгухьэныгъэхэм ядэлэжьэнымрэ щIалэгъуалэм я IуэхухэмкIэ и министерствэхэр, Профсоюзхэм я федерацэм и советыр зэхыхьэри, Iэтауэ къытхузэрагъэпэщащ. Абыи къыщымыувыIэу, ныбжьыщIэхэр щытхъу тхылъхэмкIэ, саугъэтхэмкIэ ягъэгушхуащ.

"КъудамэщIэр" утыку къохьэ, 2009

«КъудамэщIэр» утыку къохьэ, 2009

Апхуэдэу фIыщIэ яхуэфащэщ ЩоджэнцIыкIу Алий и цIэр зезыхьэ ди лъэпкъ драмтеатрым и лэжьакIуэхэми. Абыхэм «Шыхулъагъуэм» хэтхэм куэд щIауэ пыщIэныгъэ къыхуаIэщ. Ди зэIущIэхэм кърихьэлIэм и мызакъуэу, я спектаклхэми драгъэблагъэ. Абыхэми я театрыр а махуэм дэ хуит къытхуащIа къудейкъым, утыкур тхуагъэщIэращIэри, нэгъуэщI дызыхуеинухэмкIи къыддэпыкъуащ. Ди зэхыхьэр апхуэдэу дахэ, гукъинэж хъунутэкъым, адыгэ театрым и джэгуакIуэ нэ-хъыфIхэм ящыщ КIэхумахуэ ФатIимэ тхуримыгъэкIуэкIатэмэ.

НыбжьыщIэхэм я дежкIэ куэд и уасэщ нэхъыжьым и псалъэр. Тхьэр арэзы къыхухъу усакIуэ Уэрэзей Афлик. ТхакIуэхэм ящыщу аращ «КъудамэщIэм» зэкIэ гу лъызытар. «Адыгэ псалъэ» газетым къытехуащ Афлик и «Ирегъагъэ къудамэщIэр!» тхыгъэр. Тхылъым ихуа усэ, рассказ псоми ялъэIэсыну мыбдежым абы Iэмал щимыIами, тхэн щIэзыдзагъащIэхэм псалъэ гуапэ яхужиIащ.

Дыщогугъ ди лъэпкъ литературэм къыхыхьэ щIалэгъуалэм дяпэкIи апхуэдэ гулъытэ ягъуэтыну, езыхэми, я къарур я фIэщ хъужауэ, тхыгъэщIэхэмкIэ дагъэгуфIэну, икъукIэ къыхуэныкъуэ ди лъэпкъ литературэ ахэр зыхыхьэм лъапэ махуэ хачэну.

 

ХЬЭХ Сэфарбий,

«Шыхулъагъуэ» литературэ хасэм и унафэщI.

Адыгэ псалъэ» дыгъэгъазэм и 23 къыдэкIа газетым къитхыжащ)

 

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: "Шыхулъагъуэм" и къекIуэкIар, Къызэрежьар, Хьэх Сэфарбий

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 340

Сообщить об опечатке

Текст, который будет отправлен нашим редакторам: