ПсынщIэрыпсалъэ: Бадэ бадзэ къеубыд, Бадэ бадзэм иреуд.
Псалъэжь: ЩIалэ фIыцIэ нэкIуфIэ, ахъшэ фIыцIэ гуфIакIэ.
ГушыIэ: Махуэ ещанэ хъуауэ сынэжьэну сыхуейкъым.
Къуажыхь: Ди боушхуэ къаз хъушэ щIэсщ. (Дзэ)

УздэщыIэр

Уэзырмэс и иужьрей ежьэр (2)

УэзырмэсУэзырмэс зекIуэм хэмыкIыурэ жьы хъури и унэ итIысхьэжащ.

«Жьы хъури и лIыгъэр кIуэсащ»,–жари зекIуэ здамышэж хъуащ. Ар и щхьэр иригъажэри, нартхэр къриджащ.

– Чынтым я пщыр тIуащIэм дэсщ,–къажриIащ Уэзырмэс нартхэм.– Жьы сыхъуами, чынтыпщым и щхьэр къывэзгъэхьынщ.

Чынтыр я ныкъуэкъуэгъут нартхэм. Къалъихьэурэ, зауэ къращIылIэрт, хы тIуащIэм дыхьэжырти, нартхэр пэлъэщыртэкъым. Пэмылъэщурэ, Уэзырмэс жьы къаIэщIэхъуащ.

– ПхузэфIэкIынкъым, жьы ухъуащ, уи унэ исыж,–жаIащ нартхэм.

– Жьы сыхъуами, зыгуэр схузэфIэкIынщ,–жиIащ Уэзырмэс.– Кхъуафэ сивгъэтIысхьи, хым сытевутIыпщхьэ.

И псалъэ унафэти, Уэзырмэс кхъуафэм ирагъэтIысхьэри хым траутIыпщхьащ. Жьы къыкъуэури, кхъуафэр иухуурэ хым зэприхуащ. ТIуащIэм дыхьауэ къалъагъури, кхъуафэр хым къыхалъэфащ чынтхэм. Уэзырмэсыр къацIыхунтэкъэ – я биижьт.

– Ди биижьыр тхьэм къыдитащ,–жари я пщым хуахьащ.

– Сытым укъытхуихьа ди биижьыр? – къеплъащ чынтым я пщыр.

– Сыбэлэрыгъри сыщхьэрыуащ,–яжриIащ Уэзырмэс.

– Ущхьэрыуамэ, удукIынкъэ!–жиIащ чынтым я пщым.– Уэ пхуэдэщ тхуэмыгъуэтыр. Дилъ бгъэжащ, жьы ухъуху ди ужь уикIакъым, кIэ бгъуэтащ иджы.

– Зы лIыжь фыукIкIэ лIыгъэ хъункъым. Абы нэхъыфIсэ вжесIэнщ.

– Сыт къыджепIэнур?

– ВжесIэнуращ: нартхэ хъыбар евгъащIи, си щхьэр ящэхужынущ, нартхэ си пщIэр ялъытэ, сэр щхьэкIэ ягу пымыкIын щыIэкъым,–жиIащ Уэзырмэс.

«Мы лIыжьыр дыукIкIэ сыт къыпытхын?–егупсысащ чынтым я пщыр.– Щхьэ уасэ къыпысхмэ, нэхъыфIщ».

– Сыт уи щхьэ уасэ, сыт къызатын нартхэ?

– Вы щитху къуатынщ,–жиIащ Уэзырмэс.

Щыуагъэ къэбгъуэтам къыхэгъэщи ипIытIэ Ctrl+Enter.

Напэхэр: 1 2

Зыхыхьэр:

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru

КъыддэIэпыкъу

Ахъшэр здэкIуэным теухуауэ…

Ныбжьэгъу лъапIэ!

Уи нэм щIэуэу щымыту зэрыдгъэувын дыхэтащ мы тIэкIур…

Дэ езым ди жагъуэщ икIи тфIэемыкIущ мыхуэдэ къызэрытеддзэр, ауэ нэгъуэщIу хъужкъым — ди сайтыр адэкIи лэжьэн папщIэ мазэм 383 руб. етын хуейщи — дыпэлъэщкъым.

Сайтыр зэгуэр сэбэп къыпхуэхъуам — сыт хуэдизу щытми уэри зыгуэркIэ зыкъытщIэгъакъуэ.

ЦIыхуу еплъар: 189

Сообщить об опечатке

Текст, который будет отправлен нашим редакторам: