ПсынщIэрыпсалъэ: Мыщэр пэщащэурэ мащэм ищэтащ.
Псалъэжь: Вындым и шыр ишхыжынумэ, сабэм хекухь.
ГушыIэ: Сыт хуэдиз сымыщIа иджыри сымыщIэныр сыт хуэдиз
Къуажыхь: Ди хъурей шыгъулъэщ. (Фэлъыркъэб)

УздэщыIэр

Сосрыкъуэрэ пасэреймрэ

ЗекIуэ ежьауэ, Сосрыкъуэ Афэбг лъапэ деж шхужь къупщхьэ щрихьэлIащ. Зэрышууэ икIащ Сосрыкъуэ шхужь гъуанэм. Ар игъэщIагъуэри, тхьэ елъэIуащ:

– Мыр зи къупщхьэр къэхъужауэ сыгъэлъагъу! – жери.

Зи къупщхьэр пасэрейт. Пасэрейр къэхъужри къызэфIэтIысхьащ.

– Усыт лъэпкъ, дэнэ ущыщ? – еупщIащ Сосрыкъуэ къэхъужам.

– Сыпасэрей лъэпкъщ, мыбдей дисащ… Мо мывэжьищыр плъагъурэ?

Афэбг лъапэ мывэжьищ телът.

– Солъагъу, – жиIащ Сосрыкъуэ.

– А мывэжьищыр зэхуэддзурэ дриджэгу ди хабзаш, – жиIащ пасэрейм.

– Иджыри пхуэдзын?

– Схуэдзынущ, – жери кьызэфIэуващ пасэрейр, – Мо къуэм зэпрыкIи, къэув.

Сосрыкъуэ къуэм зэпрыкIащ.

– НокIуэ! – жери пасэрейм зы мывэ идзащ, – Упсэу?

– Сыпсэущ! – жиIащ Сосрыкъуэ.

– НокIуэ етIуанэри! – ЕтIуанэри идзри Сосрыкъуэ егуоуащ, – Упсэу иджыри?

– Сыпсэущ!

– Ещанэри нокIуэ! – Ещанэри идзащ, – Упсэу?

– Сыпсэущ! – жэуап къритыжащ Сосрыкъуэ.

– Упсэумэ, къуэм къызэпрыкIыж.

Сосрыкъуэ къуэм къызэпрыкIыжащ.

– Мывищ нэздзащ, дауэ укъела? – игъэщIэгъуащ пасэрейм.

– СыIулъэтри сыкъелащ, – жиIащ Сосрыкъуэ.

– «Iулъэт» жыхуаIэр сыт?– къеупщIащ пасэрейр.

– Къадзыр зытомыгъахуэмэ, аращ «Iулъэт» жыхуаIэр.

– Дэ ар тщIакъым. Къадз илъэпкъыр къыттехуэурэ, аращ дызыухар…

Ар жери, пасэрейм и нэпс къыщIэкIащ, щIым хэтIысхьэжри и псэр хэкIыжащ.

Щыуагъэ къэбгъуэтам къыхэгъэщи ипIытIэ Ctrl+Enter.


Зыхыхьэр: Нарт Эпос, Сосрыкъуэ

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 117

Сообщить об опечатке

Текст, который будет отправлен нашим редакторам: