ПсынщIэрыпсалъэ: Тебэ фIыцIэм ху пцIынэ цIынэ иупцIащ.
Псалъэжь: Унажэ бжэгъу и Iыхьэщ.
ГушыIэ: Зэ къэзгъэпцIэфам иджыри хузэфIэкIынущ.
Къуажыхь: Зи пэр папцIэ, зи кIэр гъуанэ. (Мастэ)

УздэщыIэр

Сосрыкъуэ зэраукIар (5)

 «Сосрыкъуэ дыукIынщ, дымыукIмэ, езым дыIэщIэкIуэдэнущ», – жари нартхэ Сосрыкъуэ и ужь къихьащ.

 – Шурылъэс дыджэгунщ, – жари Хьэрэмэ Iуащхьэ ираджащ.

Шурылъэс ядэджэгури, нартхэ зэбгрилъэсыкIащ – Сосрыкъуэ къыпэлъэщын къахэкIакъым.

 – Псагъэ дызэдеуэнущ, – жари псагъэ зэдеуащ, хутыкъуауэ яукIын мурад ящIати. АбыкIи къыпэлъэщакъым Сосрыкъуэ.

Хьэрэмэ Iуащхьэ жаншэрхъ кърагъэжэхащ. Зэ кърагъэжэхри, натIэкIэ дрихуеижащ жаншэрхъыр, тIэу кърагъэжэхри, блыпкъкIэ дрихуеижащ, щэ кърагъэжэхри, IэдакъэкIэ дрихуеижащ жаншэрхъыр Хьэрэмэ Iуащхьэ.

Сосрыкъуэ зэраукIын Iэмал щамыгъуэтым, нартхэ гузэвэгъуэ хэхуащ.

Нартхэ гузэвэгъуэ здыхэтым, нэжьгъущIыдзэр къахыхьащ.

 – Жэншэрхъым куэпкъэ къевгъауэ, – къажриIащ нэжьгъущIыдзэм.

Хьэрэмэ Iуащхьэ жаншэрхъыр кърагъэжэхащ нартхэ. Сосрыкъуэ Iуащхьэ лъапэм тетти, къегуоуащ:

 – КуэпкъкIэ къеуэ! – жари.

КуэпкъкIэ щеуэм, Сосрыкъуэ и куэр жаншэрхъым пихащ. И псэр хэмыкI щIыкIэ шым зридзри, Сосрыкъуэ нартхэ къахэкIыжащЗдигъэзар зыми илъэгъуакъым.

Хы Iуфэм нэсауэ хэкIащ и псэр. Сосрыкъуэ и шым щIыр фIалъэкIэ къриудри мащэ итIащ. Сосрыкъуэ щIилъхьэжри, жэщибл-махуиблкIэ къыбгъэдэкIакъым шыр кхъащхьэм.

Сосрыкъуэ и кхъащхьэм Iуащхьэ тращIыхьыжащ иужьым. Сосрыкъуэ и IуащхьэкIэ йоджэ абы иджыри. Iуащхьэр хы Iуфэм Iутщ.

Щыуагъэ къэбгъуэтам къыхэгъэщи ипIытIэ Ctrl+Enter.


Зыхыхьэр: Нарт Эпос, Сосрыкъуэ

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 151

Сообщить об опечатке

Текст, который будет отправлен нашим редакторам: