ПсынщIэрыпсалъэ: Тебэ фIыцIэм ху пцIынэ цIынэ иупцIащ.
Псалъэжь: Гум емыкIур нэми екIукъым.
ГушыIэ: Сылэжьэнщ жысIати, мыбыи Интернет щыIэщ…
Къуажыхь: ЦIыкIунитIэ, ятIэ хэпщ. (Ху)

УздэщыIэр

Сосрыкъуэ мафIэ къехь (3)

Сосрыкъуэ мафIэ къехь (3)Нартхэ зекIуэ ежьауэ щIыIэ къатехъуэри гъуэгум къытенащ. ЩIыIэм иукI щыхъум, Iэней и къуитIыр ирагъэжьащ:

– МафIэ къытхуэхь,– жари.

МафIэ ямыгъуэтауэ къагъэзэжащ Iэнейм и къуитIым.

Арыкъшуужьри ирагъэжьащ– абыи къихьакъым мафIэ. Хэт ирагъэжьами, мафIэ къахуэзыхьын къахэкIакъым. Нартхэ щыдыкъыпэм, Сосрыкъуэ ежьащ:

– Сэ къыфхуэсхьынщ мафIэ,– жери.

АрыкъыкIэм ихьауэ, Сосрыкъуэ Iугъуэ мащIэ къыIэщIэлъэгъуащ. Iугъуэм ирихулIэмэ– зы иныжь зишыхьауэ щылъщ, мафIэ зрегъэури.

Зы пхъэдзакIэ къипхъуатэри, Сосрыкъуэ къыщIитхъужащ. ПхъэдзакIэм пылъэта дэпыр и нэжьгъым щихуэм, иныжьыр къызэщыуащ, къапхъуэри шу цIыкIур иубыдащ.

– Хэт ущыщ? Дэнэ укъикIрэ?– къеупщIащ иныжьыр.

– Нартхэ сащыщщ,– жиIащ Сосрыкъуэ.Нартхэ сраIэхъуэщ.

– Нарт Сосрыкъуэ и лIыгъэ ущыгъуазэ, сыт и джэгукIэ нарт Сосрыкъуэ?

– И лIыгъэ сыщыгъуазэкъым, и джэгукIэ сощIэ,– жиIащ Сосрыкъуэ.

– ПщIэмэ, къызжеIэ. КъызжумыIэмэ, узукIынущ.

– Сосрыкъуэ и джэгукIищ сощIэ. Дэтхэнэр бжесIэн?

– Нэхъ щIагъуэр къызжеIэ.

– Нэхъ щIагъуэр мыращ: нартхэ бгыщхьэм йохьэ, бгыщхьэм абрэмывэ кърагъэжэх, Сосрыкъуэ натIэкIэ йоуэри абрэмывэр дрехуеиж.

– КIуэт, ихьэт бгыщхьэм: абрэмывэ къегъэжэхи, дегъэплъ,– жиIащ иныжьым, къызэфIэтIысхьэри.

Сосрыкъуэ бгым дэкIащ. Сосрыкъуэ къригъэжэха абрэмывэр иныжьым бгым натIэкIэ дихужащ.

– ДжэгукIэ щIагъуэщ, си натIэр игъэшхащ,– жиIащ иныжьым.– ЕтIуанэри къызжеIэ.

– ЕтIуанэр мыращ: вабдзэ ягъэплъри Сосрыкъуэ жьэдадзэ, Сосрыкъуэ вабдзэр и кIуэцIым щегъэупщIыIури къызыжьэдедзыж.

– Дегъэплъыт,– жери тIысащ иныжьыр.

Сосрыкъуэ вабдзэ игъэплъри иныжьым жьэдидзащ. Вабдзэр и кIуэцIым щигъэупщIыIури къызыжьэдидзыжащ иныжьым:

– Си кIэтIийр зэригъэшхащ,– жери.– Ещанэри къызжеIэ.

– Сосрыкъуэ хым хоувэ, щIыIэ иращIэкIри хым хагъащтхьэ. Хагъэщтхьа нэужь, къоIэри мылыр блыпкъкIэ къекъутэ.

Иныжьыр хым хэуващ, псыр и дамащхьэм къытрикIэу. Сосрыкъуэ щIыIэ зрищIэкIри, иныжьыр хым хигъэщтхьащ, жэщиблмахуиблкIэ хигъэщтхьа нэужь, иныжьым еджащ:

– КъеIэ,– жери.

КъеIа щхьэкIэ, иныжьым мылыр къыхуэкъутакъым. И джатэр кърихри, Сосрыкъуэ мылым техьащ.

– Бгым ущыдэкIым уи лъэнкIапIэ IушэмкIэ къэсщIат узэры-Сосрыкъуэр. УкъызэбзэджэкIащ… Уи джатэм си щхьэр фIихынукъым. Си хуэшысэр къэхь.

Аркъэн идзри, хуэшысэр аркъэнкIэ къихьщ, мылым тригъэлъадэри иныжьым и щхьэр фIихащ.

Зы пхъэдзакIэ къихьри, Сосрыкъуэ нартхэ къахыхьэжащ.

Щыуагъэ къэбгъуэтам къыхэгъэщи ипIытIэ Ctrl+Enter.


Зыхыхьэр: Нарт Эпос, Сосрыкъуэ

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 121

Сообщить об опечатке

Текст, который будет отправлен нашим редакторам: