ПсынщIэрыпсалъэ: Жамыбгъэ бгъэгу хужь мэжьэгъуашхэ.
Псалъэжь: Уэдыр Iушэщи, пшэрыр дахэщ.
ГушыIэ: ПсынщIэу къэпщтэжар емыхуэха хуэдэщ.
Къуажыхь: КIуэ пэтми, бжьиз зымыкIу. (Гущэ)

ЩIым и IэфIыр

Шу гуп гъусэ ищIри, Сосрыкъуэ зекIуэ ежьащ. Гъуэгу здытетым, къэмэжалIэри, тхьэгурымагъуэм деж еблэгъащ. Тхьэгурымагъуэр къащыгуфIыкIащ:

– ХьэщIэ сиIэщ,– жери.

Тхьэгурымагъуэм лэгъупыIэмпIэ зэфIидзащ, мафIэ щIищIэри зы лэгъупым зы лы Iыхьэ хилъхьащ, зы лэгъупым хугу Iэбжьыб хикIутащ.

Шу гупыр зэплъыжащ:

– Мыбы щхьэкIэ дыщывмыгъэс, дзэкъэгъуэ зырыз тхуэхъунукъым.

– ДывмыгъэпIащIэ,– жызыIаи къахэкIащ,– зыдмыгъэнщIми, дигу къыщIиубыдэнщ. Гъуэгу дытехьэжмэ, дыгъуэмылэншэщ.

Шу гупыр щысурэ, пIастэр жьэри лэгъупым имыхуэж хъуащ, лыри щывэм лэгъупым из къивыкIащ.

– Мыр дауэ?– ягъэщIэгъуащ шу гупым.

– Сосрыкъуэ дунейм къытехьэн и пэ згъэтIылъауэ лы Iыхьэрэ хугу Iэбжьыбрэ зесхьэрти, аращ фхуэспщэфIар,– къажриIащ тхьэгурымагъуэм.– Сосрыкъуэ дунейм къытехьэмэ, щIым и IэфIыр зэрыщIэкIынур сщIэрти, сыбэлэрыгъакъым.

Шу гупыр тхьэгурымагъуэм деж иришыжри, Сосрыкъуэ гъуэгу техьэжащ.

Щыуагъэ къэбгъуэтам къыхэгъэщи ипIытIэ Ctrl+Enter.


Зыхыхьэр: Нарт Эпос, Сосрыкъуэ

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 81

Сообщить об опечатке

Текст, который будет отправлен нашим редакторам: