Псалъэжь: Бжэн щIакъуэ тегушхуэгъуафIэщ.
ПсынщIэрыпсалъэ: КIыгуугур хьэгуагуэ? ХьэкIагуэ кIыгуугу?
ГушыIэ: Щхьэр узым - пфIэтщ.
Къуажыхь: Бо нэщI шкIащIэ щокIэрахъуэ. (Бзэгу)

Къэплъыхъуэр

ПхъэкIэн

Сосрыкъуэ ПхъэкIэн ищIри игъэIуащ.

– Хэзгъанэри сыукIынщ, сыхэзыгъанэри сыукIынщ, – жери.

Нартхэр къыщыщтэри къыдэджэгун игъуэтакъым.

Къыдэджэгуи щимыгъуэтым, кIэныр и IитIкIэ зэригъажэу тIысыжащ,

Зы щIалэ къихьэри Сосрыкъуэ къыщхьэщыуващ, и щхьэ хуэджэгужу здэщысым. Къеплъщ-къеплъри:

– Сэ сыбдэджэгунщ, – жиIащ щIалэм.

Зэдэджэгури. щIалэм Сосрыкъуэ къыхигъэнащ.

Сосрыкъуэ и джатэр кърихащ:

– УзукIынущ, – жери.

– Сыт щхьэкIэ сыбукIын: хэнар уэращ, – жиIащ шIалэм.

Сосрыкъуэ егупсысыжащ.

– Узахуэщ, – жиIащ, егупсысыжри, – Иджыри зэ дыджэгунущ.

Зэдэджэгури, Сосрыкъуэ щIалэр хигъэнащ.

– Сыт къызжепIэн иджы? УзукIкIэ емыкIу сиIэ? – жиIащ Сосрыкъуэ.

– УиIэкъым. Сыхэбгъэнащ. «УзукIынщ» жыпIэмэ, сыукI.

Сосрыкъуэ джатэр кърихащ. Еуэн щыхъум, шым зридзри щIалэр IэщIэкIащ.

ЩIалэм лъихьэри, ихуурэ, зы Iуащхьэ щынэсым, щIалэм Iуащхьэ къуагъым зыкъуидзащ. Сосрыкъуэ щIалэр игъуэтыжакъым.

– Тхьэр къызэуи! Дэнэ ущыбзэха мыр? – жери игъэщIэгъуащ Сосрыкъуэ, зиплъыхьри Iуащхьэ джабэм зы гъуанэ къыщилъэгъуащ.

И шыр Iуащхьэ лъапэм къыщинэри, Сосрыкъуэ гъуанэм ихьащ.

Гъуанэ ихьэри, Iэбэрабэурэ бжэ ирихьэлIащ. Бжэр Iуихри, унэ къыщIэхутащ Сосрыкъуэ. Зы тхьэмадэ жьакIэху пIэкум исщ.

– ФIэсапщий, Сосрыкъуэ! – жиIащ тхьэмадэ жьакIэхум, – Еблагъэ.

– Сызыхуеблагъэр сщIэркъым, – жиIащ Сосрыкъуэ, Iэнкун къэхъуауэ.

– Зы щIалэ уи унэ нихьа? – къеупщIащ тхьэмадэр.

– Нихьащ.

– ПхъэкIэн укъыдэджэгуа?

– Сыкъыдэджэгуащ.

– Ущыхигъанэм быукIыну упылъа?

– Сыпылъащ, – жиIащ Сосрыкъуэ.

– Щыхэбгъанэми упылъа?

– Сыпылъащ.

– НтIэ щхьэ умыукIарэ?

– КъысIэщIэкIри сыкъыщIыхьакъым. Iуащхьэ къуагъым зыкъуидзэри сфIэкIуэдащ.

– ПхъэкIэн къыбдэджэгуар сэращ, – жиIащ тхьэмадэ жьакIэхум, – Сэ нартхэ сражэмыхъуэщ… Дунейм сыкъехыжауэ хьэдрыхэ сисщ. Уи хъыбар щызэхэсхым, сигу техуакъым: пхъэкIэныр нартхэ къахэплъхьащи, хэбгъанэри уоукI, ухэзыгъанэри уоукI. «Ар хъункъым!» – жысIэри дунейм сынытехьэжащ, щIалэ ныбжьым сихьэжри. Мыхъуныр зыхэн, пхъэкIэныр нартхэ къахуренэ.

Жэмыхъуэм едаIуэри, Сосрыкъуэ пхъэкIэныр нартхэ къахуигъэнащ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Нарт Эпос, Сосрыкъуэ

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 112

Сообщить об опечатке

Текст, который будет отправлен нашим редакторам: