Псалъэжь: УмыащIэм ущIэупщIэныр емыкIукъым.
ПсынщIэрыпсалъэ: Зазэ и зэзыр зэзэмызэ мэуз.
ГушыIэ: ЦIыхухэр зэкъуэшщ, ауэ псори акъылкIэкъым.
Къуажыхь: Бжьыхьэ нэщэнэ, мамыжь Iус. (Мэкъу Iэтэ)

Къэплъыхъуэр

Пасэрейм я хугу

Сосрыкъуэ дунейм къытехьэжмэ, щIым и IэфIыр щIэкIынущ жаIэурэ, лIыныбжь Iэджэ дэкIащ. ЛIыныбжь Iэджэ дэкIауэ, Сосрыкъуэ, псэууэ щIатIати, щIыр кьызэгуичри, дунейм къытехьэжащ:

 – Си ужь къихъуам сеплъынщ, – жери.

Шу гъусэ ищIри, Сосрыкъуэ ежьащ.

Ежьэри, шу гупыр зы унэ щепсыхащ:

 – ДыкъагъэхьэщIэфмэ, деплъынщ, – жари.

Унэгуащэр яхуэпщэфIащ: лэгъупыр фIидзэри хугу Iэбжьыб хикIутащ.

Лэгъупым хугу Iэбжьыб фIэкI зэрыхимыкIутар ялъэгъуащ шу гупым.

 – Хугу Iэбжьыбым сыт къытхуищIэн? – зэплъыжащ шу гупыр.

Шу гупыр хьэщIэщым исурэ, пIастэр лэгъупым имыхуэж хъуащ. Ар гъэщIэгъуэн къащыхъури, шу гупыр, щытэджыжым, унэгуащэм еупщIащ:

 – Лэгъупым хугу Iэбжьыб фIэкI хэпкIутакъым, ар дауэ? – жари.

 – Хугу Iэбжьыб згъэтIылъауэ сиIэт, пасэрейм къызэранэкIауэ, – къажрIиIащ унэгуащэм, – Ар и гуащIэщ пасэрейм я хугум.

 – АтIэ апхуэдэ гуащIэ хэлъыжкъэ иджы хугум?

 – Хэлъыжкъым, хум и гуащIэр щIэкIащ.

 – Ар сыт щхьэкIэ?

 – Сосрыкъуэ дунейм къытехьэжагъэнщи, аращ хум и гуащIэр щIыщIэкIар, – жиIащ унэгуащэм.

Сосрыкъуэ игурэ и щхьэрэ зэбгъэжауэ шу гупыр хьэщIэщым иришыжащ.

Шу гупыр иутIыпщыжри, щIым щIыхьэжащ Сосрыкъуэ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Нарт Эпос, Сосрыкъуэ

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 143

Сообщить об опечатке

Текст, который будет отправлен нашим редакторам: