Псалъэжь: Уи гъунэгъур бзаджэмэ, щIы хущынэ.
ПсынщIэрыпсалъэ: Мыщэр пэщащэурэ мащэм ищэтащ.
ГушыIэ: Сыт хуэдиз сымыщIа иджыри сымыщIэныр сыт хуэдиз
Къуажыхь: Зэпэзэдакъэ — уэркъ унэлъащIэ. (Пхъуантэ)

УздэщыIэр

Щэуей Тотрэш зэрыхуэзар

Къанж и къуэ Щэуей, Нэрыбгейм и къуэ закъуэр зыри къыпэмылъэщыжу нарт цIэрыIуэ хъуат. Абы и Джэмыдэжьым и лъэхъу къудейм нартхэм я зыши къылъэщIыхьэртэкъым, и пэ гъуанитIым къриху мафIэбзийм гъуэгу напщIэхэр илыгъуэрт, и къарукIэ лъэщт. Езы Щэуей мафIэми, щIыIэми щышынэртэкъым, лIыгъэкIэ къыпэлъэщыни щыIэтэкъым, цIыхуфэ кърамыплъу, бэлэбанэу къикIухьырт, жеин хуей хъуми и шыжьым къемыпсыхыу здэкIуэм жейрт.

Абы хуэдэу Щэуей къикIухьурэ Албэч и къуэ Тотрэш хуэзащ. Албэч и къуэ Тотрэш хэт хуэзэми, лъэкIмэ имыхъунщIауэ, зыгуэр къытримыхауэ блигъэкIыртэкъым. Щэуей бэлэбанэжьым ар щыхуэзэм еплъащ, къеплъри къытриудын зыри кIэригъуэтакъым.

– Мы сэ слъагъу бэлэбанэжьым къыпыпхын щыIэкъым, щыгъын щыгъкъым, и шыри ныкъуэдыкъуэщ, ауэ езыр фIыуэ зэхэзубэрэжьэнщ, и джатэжь закъуэр къытезудынщ,–жиIащ. Тотрэш ауан ищIу Щэуей ебгъэрыкIуащ, гъуэгуфIыжь апщи иримыхыу.

– Уи гугъу сщIыркъым, си гугъу къомыщI, сэ гъуэгу сытетщ, Iуэху сиIэщ, сумыгъэгувэ! – елъэIуащ абы Щэуейр. Ауэ Тотрэш нэхъри тегушхуауэ Щэуей епщэфыIэрт.

– Куэд къыумыбжу къащтэ уи джатэжьыр, армыркъэ, уи шыжьри уэри фызэрызгъэхьынщ! – щIэкIиящ Щэуейм Тотрэшыр.

– Iэщэр шынагъэкIэ зытыр Iэщэм ехьыж, Iэщэ ятыркъым, сэ Iэщэ щIэсIыгъыр, къызэт жызыIэм естыну аркъым, иджыри сынолъэIур си гугъу къомыщIыну, уэри уи гъуэгу тет, сэри сыздэкIуэм сыгъакIуэ! – жиIащ Щэуей аргуэру.

– Iэщэр ямытмэ къытрах! – жиIэри, шыбгъэкIэ къыжьэхэуащ Тотрэшыр.

– Зи Iэщэ шынагъэкIэ зытыр лIыгъэншэщ, сэри сигу къэкIыркъым шынагъэкIэ си Iэщэ стыну, степхыфыну уигугъэмэ еплъ, ауэ иджыри зэ сынолъэIужыр – си гугъу къомыщIу сыутIыпщ.

– Мэ сыутIыпщ! – жиIэурэ Тотрэш Щэуейм къыщытеухьым, Щэуей къэгубжьащ.

– АтIэ фIыкIэ къыщыбгурымыIуэкIэ IейкIэ уэ нэхъ къыбгурыIуэну къыщIэкIынщ, уэ пхуэдэ щыкIахэм яхуэфащэр мыращ,–жиIэщ Щэуей, Тотрэш и пщэр фIиубыдыкIри шым къытричащ, и лъэрыгъыпсыфэм щIидзри еуэри къежьэжащ.

Зыкъомрэ ихьа нэужьым, Щэуей и лъакъуэр иIэтри Тотрэшыр зэхэупIэщIауэ къыщIигъэхужащ, гъуэгум къытринэри езыр ежьэжащ. Щыхуфэ темытыжу, и фэр пыкIауэ Тотрэш къыщылъэтыжри Щэуей кIэлъыщIэпхъуащ.

– Къысхуэгъэгъу, сынолъэIу къысхуэбгъэгъуну, зимычэзу уэсщIащ, лей уэсхащ! – жиIащ Тотрэш, Щэуей лъэщIыхьэри.–Сэ хуабжьу си гуапэт благъэ усщIыну, зумысыгъуэджэмэ.

– Сэ иджыпстукIэ благъэ сылъыхъуэркъым, узутГыпщыжам кIуэж, куэд къомыбжу! – къыжриIащ Щэуей абы. АрщхьэкIэ Тотрэш аргуэру Щэуей кIэлъыщIэпхъуэри елъэIуащ – Уэ лей уэсхащ, уэсха пэтми къызумыщIэIауэ сыкъэбутIыпщыжащ, лIыфI гуэру ущыту къыщIэкIынщ, ныбжьэгъу, благъэ усхуэхъум сфIэфIщ, зумусыгъуэджэу дызэрыгъэцIыху, сэ, зи мыхъуми, сынэхъыжьщ, хуабжьу сынолъэIу – жиIэри.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3

Зыхыхьэр: Нарт Эпос, Щэуей

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 199

Сообщить об опечатке

Текст, который будет отправлен нашим редакторам: