ПсынщIэрыпсалъэ: Пыжь пызу пыту жыг.
Псалъэжь: Гупыр зыгъэукхъуэр кхъуэм хуэдэщ.
ГушыIэ: Улэжьэну ухуей, гъуэлъ - ухуеижынукъым.
Къуажыхь: Дарий мэз шыбзыбэ щIаху. (Ужьгъэ)

УздэщыIэр

Мэлэчыпхъурэ нарт Пэныкъуэрэ къызэрыздэуджа

Нартхэ я Тхьэшхуэ Тхьэуджт,
Нарт Iуащхьэм къыздеуджэкIырт,
Вы укIари я Тхьэшхуэ нышт,
Ашэмэзи бжьамийр игъаджэрт,
Мэлэчыпхъуи уджым щыIэт,
Унэджокъуэри зекIуэм къэтт.
Нарт утыкум зыщищIу,
ИмыщIахэр иIуатэу,
Утыкушхуэр игъаджэу,
ЛIы икъугъэуи зибжыжу
Нарт Пэныкъуи щыIэхэт.
Ар лIы хъуапсэрилэт,
Бзылъхугъэм хуэнэхъуейт,
Мэлэчыпхъум щыIуплъэм
Iуплъэгъуэ закъуэм дхьэх.
Уджым ныдыхохьэри
ЩIагъуэуи иримыку,
Икуми къыщыщIидзэу,
Къыпидзынум хуэпIащIэу
Мэуэ къыжреIэ:
– Мэлэчыпхъу цIыкIуу жьэгъуху,
Хышхуэ тхьэрыкъуэу щIыкIафIэ,
ЗызыхуэбгъафIэр сымыщIэ.
Уи щIэрэщIагъым согуакIуэ,
Си гум фIыщэу уелъагъу,
Псэгъу усщIынут сыкъапщтэм,—
Нарт Пэныкъуэ щыжиIэм
Мэлэчыпхъу цIыкIур зэIохьэ,
Мэлэчыпхъу цIыкIур зокIуэкI,
Унэджокъуэр игу къокIыж,
Жэуап дэгъуи кърет абы:
– Дадэ и щIалэу Пэныкъуэ,
Нанэ и къуэу нарт щауэ!
Сэ сыщауэ лъыхъуэкъым,
Си гущэкъу ибзащ,
Зей щIопщыкъу сIыгъащ,
Си Iуэху щаугъуеймэ дэнэ ущыIа?!

Щыуагъэ къэбгъуэтам къыхэгъэщи ипIытIэ Ctrl+Enter.

Напэхэр: 1 2 3

Зыхыхьэр: Мэлэчыпхъу, Нарт Эпос

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 177

Сообщить об опечатке

Текст, который будет отправлен нашим редакторам: