ГушыIэ: Сыт хуэдиз сымыщIа иджыри сымыщIэныр сыт хуэдиз
Къуажыхь: Уд бын ди бжыхь гъуанэ къыдоплъ. ((Шыбжий)

УздэщыIэр

Мэлэчыпхъу зытраIуам зэрыдэкIуа

Мэлэчыпхъу зытраIуам фыз иIэт,
Ауэ итIани и дахагъым,
ЩэныфI куэду Мэлэчыпхъу хэлъым,
Езы цIыкIур зэрыIущым
Дихьэхауэ ишэрт,
Мэлэчыпхъу тIуанэу гуащэм трищIэрт.
Мэлэчыпхъур имыша щIыкIэу,
Зэман куэди дэмыкIауэ,
Унэджокъуэр зекIуэ кIуауэ
И хуарэжьу пщIэгъуалэжьыр
КъахуокIуэжыр уанэгунэщIу.
Зэхуэсауэ нартхэ псори
Мэлэчыпхъу и лIыр ягъей псоми,
Щхьэнтэм тесщ и тIуанэри,
Къыхуемых и нэпе къудами,
Гужьгъэжьыр и гум илъ зэпытщ,
И тIуанэр и нэгум щIэтщ.
Мэлэчыпхъу цIыкIум ар имыщIэу,
Пшахъуэ гулэ-гулэ джэгуу
Псышхуэ Iуфэм Iусщ и закъуэу,
Пшахъуэ фадэ щыщIигъэжу.
Ар зэхуэсахэм ягу къеуащ,
ЕмыкIу псоми къащыхъуащ.
– Дауэ щытми и щхьэгъусэщ,
Мэлэчыпхъу хъыбар ищIэн хуейщ,–
ЖаIэу, унафэ ямыщIатэм
Хъыбарыншэу къагъэнэнут.
Нарт и лъэпкъым ар къыщащIэм,
Мэлэчыпхъу и деж щхьэкIуэ къащI,
ЩхьэкIуэр Мэлэчыпхъухэ къыщыкIуэм
Псышхуэр къиуауэ къыIуощIэ.
Ипщэ макIуэри имыкIыф,
ИкIэ йохри хэмыхьэф,
Адрей Iуфэм зэпроплъри
Пщащэ цIыкIу къыIусыр елъагъу,
ИмыкIыфыххэу къыщынэм
А пщащэ цIыкIум йогуо:

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3 4 5 6 7 8 9 10 11 12 13 14 15 16 17 18 19

Зыхыхьэр: Мэлэчыпхъу, Нарт Эпос

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 584

Сообщить об опечатке

Текст, который будет отправлен нашим редакторам: