Псалъэжь: Мыщэм ишхар дыгъужьым трелъхьэ.
ПсынщIэрыпсалъэ: Лэныстэ-мастэ-къэбыстэ пIастэ.
ГушыIэ: Сыт хуэдиз сымыщIа иджыри сымыщIэныр сыт хуэдиз
Къуажыхь: Iуащхьэ щIыб бгъитI щызэрошх. (Лэныстэ)

УздэщыIэр

Къэплъыхъуэр

Мэлэчыпхъу лIы зэрытыраIуа, зытыраIуам гуащэ къызэриша

Нарт Жагъыщэ и гуащэжь Мэлэч зэи мылъхуауэ и жьыщхьэ жэщым лъхуэри хъыджэбз цIыкIу къилъхуащ. Мэлэч фызыжьым и жьыщхьэ пхъу зэригъуэтар нартхэ къыщащIэм, псори хуэгуфIащ. И анэм и цIэр Мэлэчти и пхъум Мэлэчыпхъу фIащащ.

Мэлэчыпхъу цIыкIур къыщалъхуа жэщ дыдэм Жагъыщэм къыпэмыжыжьэу щыпсэу нарт Унэдж и гуащэр лъхуэри къуэ къилъхуащ. Нарт Унэдж къыхуалъхуа щауэ цIыкIум Унэджокъуэ фIащащ.

А зэманым нартхэ я хабзэмкIэ зы жэщым къалъхуа щауэ цIыкIумрэ пщащэ цIыкIумрэ ин хъумэ зэрышэн хуейуэ зэтраIуэрт.

Нартхэр ар зэращIыр мыпхуэдэут: нартхэ зы щIыпIэ гуэрым щызэхуэсырти а жэщым къуажэм хэт къыщалъхуами зэхуаIуатэрт. Зы жэщым къалъхуа щауэмрэ пщащэмрэ зэрышэн хуейуэ унафэ ящIырт. Гущэ къуапэ зэхурабзэрт.

Мис а хабзэм тету, Мэлэчыпхъу цIыкIур къыщалъхуа жэщым къыдалъхуа щауэу нарт Унэдж и къуэм траIуащ. Мэлэчыпхъу цIыкIумрэ Унэджокъуэмрэ зэрылъ гущэхэм я къуапэхэр ирабзэри нартхэр зэбгырыкIыжащ. Мэлэчыпхъур къэзылъхуар тхьэмыщкIэ унагъуэт, Унэджокъуэр къэзылъхуар нэхъ хуэщIат.

Мэлэчыпхъурэ Унэджокъуэмрэ зэгъунэгъуитIым зэдапIырт. Мэлэчыпхъу цIыкIур хэхъуэртэкъым, къыщалъхуа жэщым хуэдэт, нэхъ ини нэхъ цIыкIуи хъуртэкъым. Унэджокъуэр нарт и хэхъуэкIэу хэхъуэрт. Зы жэщым нэхърэ адрей жэщым нэхъ ин хъууэ, зы махуэм нэхърэ адрей махуэм нэхъ ин хъууэ хэхъуэрт. Мэлэчыпхъу цIыкIур хэмыхъуэурэ, Унэджокъуэр ин хъури нарт шу хахуэу ежьащ.

Унэджокъуэм и анэм къундэпсэу и куэдт. Ар Мэлэчыпхъу и анэм къыщищIэм и пхъур и «гуащэм» и деж игъэкIуащ:

– Унэдж и гуащэм деж кIуэи къундэпсэу тIэкIу къеIых, арыншэми ирикIутыжынущ! – жиIэри.

Мэлэчыпхъу IукIейщIыкIейуэ, дэуей, дэлъейуэ-щыкIуэм и «гуащэм» къилъагъури и «нысэм» и къэкIухьыкIэр игу ирихьакъым.

А зэманым нартхэ я пщащэ дэс ину ягъэбакъуэртэкъым, псынщIэу къырагъэкIухьыртэкъым, щхьэдэхыпIэ ирагъэбакъуэртэкъым.

Мэлэчыпхъу щынэсым къегуэуэн мурадкIэ и «гуащэр» къеупщIащ:

– Мэлэчыпхъужьурэ шыхъужь зекIуэкIэ,

ЗекIуэкIэ мыщIэурэ IукIейщIыкIей,

Сыт щхьэкIэрэ укъысхуэкIуа?

Мэлэчыпхъу ар игу зэрыщIыхьар зыкъыримыгъащIэу и анэ щIигъэкIуар жыриIащ:

– Нанэ выл,

Балыджэ,

Кхъуей шыпс,

Къундэпсэу тIэкIу

ЩхьэкIэ сыкъигъэкIуащ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2

Зыхыхьэр: Мэлэчыпхъу, Нарт Эпос

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 221

Сообщить об опечатке

Текст, который будет отправлен нашим редакторам: