Псалъэжь: Къоджэм кIуэ, уиукIынуми.
ПсынщIэрыпсалъэ: Набдзэ и бдзапцIэр егъэцIу.
ГушыIэ: Улэжьэну ухуей, гъуэлъ - ухуеижынукъым.
Къуажыхь: Ди къуэкГий уэс досэ. (Щхьэл)

УздэщыIэр

Лъэпщрэ Дэбэчрэ

Нартхэ я гъукIэу Дэбэч

Зэпимыгъэчу кIыщ щIэтщ,

Абрэмывэр и сыджщ,

ГъущI зыс джафэр и выгущ.

Iэдэуадэншэщ Дэбэч.

ХьэмкIутIей башыр и шэдыбжьыкъущ,

Бланафэ къуакIэ мафIэм хущIопщэ,

Пщэдджыжь пшэплъыр и жьэгущ,

Банэ гъупцIари и фIамыщIщ,

ГъущI зэфIэгъащIэщ Дэбэч.

Къуэдзэншэ гъукIщ Дэбэч,

Жьыщхьэр зи махуэщ Дэбэч.

Нартхэм къуэдзаплъэу щахыхьэм

Къызэхиплъыхьри къахилъэгъуакъым,

КъызэпикIухьри къахихутакъым

КъарукIэ гъущIым пэхъун,

Къыпэхъуу кIыщым щIэтын.

Арти, Дэбэчыр щхьэ закъуэт,

Гум и ныкъуакъуэр и хьэщIэт,

IЦIыр игъэсысу ар лъащэрт,

ЩIэпщэм, и мафIэр лыгъэдзт.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3 4 5 6 7

Зыхыхьэр: Лъэпщ, Нарт Эпос

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 387

Сообщить об опечатке

Текст, который будет отправлен нашим редакторам: