ПсынщIэрыпсалъэ: Жамыбгъэ бгъэгу хужь мэжьэгъуашхэ.
Псалъэжь: Джэджьей зеуалэ псывэ хоупIэ.
ГушыIэ: ЩIалэм пыIэ къигъуэтащ. Хуэхъупсуращ.
Къуажыхь: Хьэлъэ темылъу бом щIэмыхьэ. (Бжэмышх)

УздэщыIэр

КъуийцIыкIу нартхэр зэригъэIэпхъуар

А гъэр гъаблэт. Нартхэм я щIыналъэм зыри къытекIатэкъым. ЩIы щхьэфэр джафэу дыгъэм трижьыкIати Iэщхэри зэтелIэрт. А гъэр нартхэм дежкIэ гъэ хьэлъэт. Нартхэм унафэ ящIащ Хасэ ящIыну. А Нарт Хасэм къекIуэлIащ цIыху псори.
Хасэм КъуийцIыкIуи кIуащ. Нартхэр зэхэст ящIэнур ямыщIэжу, зэдауэхэу. КъуийцIыкIу щытт нартхэм жаIэм едаIуэу. Нартхэр зэныкъуэкъурт.
– Ди кIуэдыгъуэр къэсащи тхьэ Амыщи дыкъищIэжыркъым, Тхьэгъэлэджи къыдэплъыжыркъым,– жиIэрт Нарт Дадэм.
– Сыт иджы ди махуэ, сытри ди гъащIэ? Дунейм фIыгъуэ щыIэжкъым.
Хъымыщыжьым жиIащ:
– Нартхэ, сыт тщIэжынур, гъаблэм дехьри. Иныжьхэм датоуэри зылI и Iыхьэщ гъавэу къатетхыфыр. А зылI и Iыхьэм и къэхьыгъуэ зауэм лIипщI тфIыхокIуадэ!
– Нартхэ,– къэтэджащ Уэзырмэс,– диIэ тIэкIур зэдгъэзахуэу дывгъэпсэу. Фэри фощIэр, лъэпкъ и лъапсэр зыгъэбагъуэр къэхъу щIэблэщIэрщ. Уий, нартхэ, дывгъэхъумэ, дэ нэхъыжьхэр гъаблэм дихьми, ди щIэблэщIэр къедвгъэгъэл. Дэ нэхъыжьхэм диIэж тIэкIур ди нэхъыщIэхэм хуэдгуэшынщи гъэр абыкIэ ирахынщ.
– Дэ нэхъыжьхэм диIэ тIэкIур ди нэхъыщIэхэм яхуэдгуэшым нарт нэхъыжьхэм сыт тщIэжынур? – къэкIиящ нарт Пщаежьыр.
– Дэ сыт ди махуэж? Дэ дырелIэ! Куэдщ нэхъыжьхэм дэ дгъэхъар. Ди нэхъыщIэу къызэднэкIхэм нарт лъапсэр яхъумэнщ,– Щэбэтыни ар жиIэу нарт Пщаежь пэпсэлъащ.

– АтIэ, дауэ гъэр итхыну? – къеупщIащ Нэсрэн ЖьакIэр.
– Хьэуэ, нартхэ, хъункъым нобэ Пщаежь къытпиубыдыр!
АрщхьэкIэ Пщаежь ар идакъым.– Сыт абы жиIэр, сытым щыгъуэ нэхъыжь Iыхьэр нэхъыщIэхэм лъагъэсу щыхэбзар? – жиIэри къилъащ.
КъуийцIыкIу нартхэм жаIэр щызэхихым, къэуври жиIащ:– Нартхэ, фи нэхъыжьыфIхэри ирепсэу, фи нэхъыщIэфIхэри иреджэгу. Нартхэ, мы щIыпIэр гъаблэми, дунеижьыр гъаблэм ищтакъым. Моуэ ипщэкIэ фыдэкIуейркъэ! Хэт ищIэрэ, Тхьэгъэлэдж и хьэмым къыкIэрыхуаныкIэрыхуа щывгъуэтынкIи хъунщ.
– Деплъащ абыикI, КъуийцIыкIу. ИпщэкIи дыдэкIуейри зыри дгъуэтакъым,– жаХащ нартхэм.
– ИпщэкIэ щывмыгъуэтамэ ищхъэрэкIэ фехыркъэ. Хэт ищIэрэ, Амыщ и Iэщ бэгъуам фыIущIэнкIэ хъунщ,– япидзыжащ нартхэм КъуийцIыкIу.
– ИщхъэрэкIи деущэхати зыри дгъуэтакъым,– къыпадзыжащ нартхэм.
– АтIэ, ипщэкIи, ищхъэрэкIи зыри щывмыгъуэтамэ, моуэ мэзышхуэ гуэрым фыщIэуэркъэ: хэт ищIэрэ, Мэзытхьэ зы кхъуэпIащэ къыфхуигъэнами фщIэркъыми,– яжыриIащ КъуийцIыкIу нартхэм.
– АбыикI деплъащ. Мэзым зы кхъуэпIащи, зы псэущхьи Мэзытхьэ къытхущIинакъым,– къыжаIэжащ нартхэм.
– ИщхъэрэкIэ зэ феухамэ, ипщэкIэ зэ фыдэуеямэ, дунейм и кIапэр зэлъэвгъэIэсауэ фигугъэжщ нартхэм, – жиIащ КъуийцIыкIу. – Гъаблэм фигъэщтауэ фи нэхъыжь Iыхьэр фи нэхъыщIэхэм яшхыжкIэ ар лIыгъэ? Хьэуэ, нартхэ, хъункъым, ар, Фи хэку къыщымыхъуа мэшыр нэгъуэщI щIыпIэ къыщыхъуами фщIэркъыми, фи хэкум щыкIуэдыжа Iэщыр нэгъуэщI щIыпIэ щыбэгъуами фыщыгъуазэкъыми, Фежьэркъэ, нартхэ! Къуршым фыщхьэпрыкIыу Елыдж губгъэжьым фиплъэркъэ. Тенджызым фызэпрыкIыу адырыщIхэр къэфплъыхьыркъэ. ФыIэпхъуэркъэ, зиунагъуэрэ, нартхэ!
– Дежьэрэ зыри дымыгъуэту гъуэгуанэ кIыхьым дытелIыхьмэ, дылIэпакъэ,– жиIащ Жьынду ЖьакIэ.– ДиIэ тIэкIури гъуэгу гъуэмылэу зыдетхьэжьэрэ иныжь емынэхэм ттырахмэ, жьыри щIэри дылIакъэ? Нобэ хуэдэр ди гъащIэу жыжьэ утеувэ хъун? Уежьэмэ, нэхъ щIэх узэрылIэнщ!

Щыуагъэ къэбгъуэтам къыхэгъэщи ипIытIэ Ctrl+Enter.

Напэхэр: 1 2 3 4 5

Зыхыхьэр: КъуийцIыкIу, Нарт Эпос

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 290

Сообщить об опечатке

Текст, который будет отправлен нашим редакторам: