ПсынщIэрыпсалъэ: Шыбжииплъ, псы плъыжьыбзэ.
Псалъэжь: МафIэсрэ псыдзэрэ уадэмыджэгу.
ГушыIэ: Махуэ ещанэ хъуауэ сынэжьэну сыхуейкъым.
Къуажыхь: Бгырыпхыбгъуэ, лIыбгъуэ кIэщI. (Чей)

Тотрэшрэ Емынэ ЖьакIэрэ

Тотрэшрэ Емынэ ЖьакIэрэНарт тхьэмадэжьти, Албэч шу гуп зыщIигъури зекIуэ ежьащ:
– Емынэ ЖьакIэ и щхьэр къэтхьынщ,–жари.
Емынэ ЖьакIэ нартхэ я биижьт, нартхэ къалъихьэупэбэлыхь хидзэ зэпытт: шыбз гуартэ яфIэихуащ, кIэс ищIурэ яфIихьари мащIэкъым. И ужь ихьэ щхьэкIэ щIэмыхьэурэ, Емынэ ЖьакIэ и лъэужьыр кIуэдыжырт.
– И лъэужь дытемыхьауэ къэдгъэзэнкъым,–жери арат Албэч щIежьар.
Емынэ ЖьакIэ псытIыгум тест; псытIыгум къыдэкIауэ, зекIуэм къаIущIащ, къапэуври нарт шу гупыр къызэтриухъуэнщIащ, я шу пашэр– Албэч – уанэм иричщ, кIэс ищIри ежьэжащ. Лъихьа щхьэкIэ, щIыхьакъым: яIэщIэкIри, псытIыгум техьэжащ Емынэ ЖьакIэ.
– ЩIэщхъу къытщыщIащ: ди тхьэмадэжьыр Емынэ ЖьакIэ едгъэхьащ,–жари зекIуэм къагъэзэжащ.
Тотрэш, сабийти, къыдэкIуэтейри, и анэм щыхьащ:
– Си адэм и кIуэдыпIэр къызжеIэ,–жери.
ФIэщIалэти, жримыIэурэ, зы гъи гъитIи дигъэкIащ.
Шым шэсыф хъуа нэужь, и анэр хигъэзыхьащ Тотрэш:
– Си адэм и кIуэдыпIэ хъуар къызжомыIэмэ, Уащхъуэ зыслIэжынкIэ! – жери.
– Уи адэм и кIуэдыпIэ хъуар уэри кIуэдыпIэ пхуэхъунущ,–къыжриIащ и анэм.
– АтIэми къызжеIэ.
Щыхигъэзыхьым:
– Уи адэр Емынэ ЖьакIэ ихьащ,–къыжриIащ.– Емынэ ЖьакIэ и хэщIапIэр зыщIэ щыIэкъым, бгъуэтынукъым. Бгъуэтми, упэлъэщынукъым, улъемыжьэ.
Албэч и къуэ Тотрэш шэсри гъуэгу техьащ.
Гъуэгу здытетым, мэз щIыхьауэ, гуо макъ зэхихащ. Гуо макъыр къуэ кIуэцIым къыдэIукIырти, Тотрэш къуэм дыхьащ. ЗылI къуэ кIуэцIым дэтщ, зы шу джабэм кIэрыхьэжауэ елъагъу. Шум шы Iэдэжи иIыгъщ.
– Сыт къэхъуар?–еупщIащ Албэч и къуэр лIым.– Гуо макъ зэхэсхати, къыдэздзыхащ. Къэхъуар къызжеIэ.
– СыщэкIуэнути, си шыр слъахъэри мэзым сыхыхьащ,–къыжриIащ лIым.– Мэзым сыхэтыху, си шыр яхуащ.
ЩакIуэм и шыр къуэм дэзыхуар шытхым ихьэжащ апщIондэху.
– Зыхуар пщIэрэ? – еупщIащ Тотрэш щакIуэм.
– Зыхуар Емынэ ЖьакIэщ, нэгъуэщIым къызикунукъым,–къыжриIащ.
– Сыкъызылъежьам и лъэужь сытехьащ жыпIэркъэ!–гуфIащ Албэч и къуэ Тотрэш.– И хэщIапIэ пщIэрэ? Гъуазэ укъысхуэхъун?
– ПсытIыгум тесщ,–къыжриIащ щакIуэм,– Уезэгъынукъым: псытIыгум и хъуреягъыр къамыл кIырщи, псым узэпрыкIми, къамылым упхыкIыфынукъым. Гъуазэ жыпIэмэ, гъуазэ сыпхуэхъунщ.

Щыуагъэ къэбгъуэтам къыхэгъэщи ипIытIэ Ctrl+Enter.

Напэхэр: 1 2

Зыхыхьэр:

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru

КъыддэIэпыкъу

Ахъшэр здэкIуэным теухуауэ…

Ныбжьэгъу лъапIэ!

Уи нэм щIэуэу щымыту зэрыдгъэувын дыхэтащ мы тIэкIур…

Дэ езым ди жагъуэщ икIи тфIэемыкIущ мыхуэдэ къызэрытеддзэр, ауэ нэгъуэщIу хъужкъым — ди сайтыр адэкIи лэжьэн папщIэ мазэм 383 руб. етын хуейщи — дыпэлъэщкъым.

Сайтыр зэгуэр сэбэп къыпхуэхъуам — сыт хуэдизу щытми уэри зыгуэркIэ зыкъытщIэгъакъуэ.

ЦIыхуу еплъар: 195

Сообщить об опечатке

Текст, который будет отправлен нашим редакторам: