Бэдын деж зы нарт щепсыхауэ хьэщIапIэ здисым, Iэнэ къищтэри Бэдын и унэгуащэр хьэщIэщым къихьащ. Бэдын и унэгуащэр уэндэгъути, Iэнэ къыщрихьэм, унэгуащэм и ныбэм сабий гъы макъ къиIукIауэ зэхихащ хьэщIэм. Абы игъащтэри, хьэщIэм зиIэжьэжакъым, хьэщIэщым икIыжри нартхэ яхыхьэжащ:
– Бэдын и унэгуащэр уэндэгъущ, абы и ныбэм илъыр дунейм къытехьэмэ, ди кIуэдыжыгъуэр къэсащ, – жери.
– Сыт тщIэнур? – жаIащ нартхэм.
– Сабийр къэхъу хъунукъым: дунейм къызэрытехьа нэхъ пIалъэ еттынкъым: дыукIынщ, – жари зэгурыIуащ.
Уэрсэрыжь ираджэри къыжраIащ:
– ЩIалэ къилъхумэ, къытхуэдыгъу, хъыджэбз къилъхумэ, и гугъу умыщI, – жари.
Бэдын щIалэ къыхуалъхуащ. Уэрсэрыжь ещакIуэурэ сабийр къидыгъури нартхэ къахуихьащ. Къахуихьа щхьэкIэ. ягу щIэгъужащ.
– Сабий дыгъэр дывмыгъэукI, – жаIащ нартхэм, – жыг гъуанэм идвгъэгъэтIысхьи, езыр-езырурэ илIыхьыжынщ.
Сабийр жыг гъуанэ ирагъэтIысхьэри пщIащэкIэ щIауфэжащ.
Нартхэ я къазыхъуэм и къаз къэтти, лъыхъуакIуэ ежьауэ, жыг гъуанэм сабийр кърихащ, и унэ ихьри игъэпщкIуащ:
– ЗакъезгъэщIэнкъым. сыкъащIэмэ, сфIаукIынщ, – жери.
ЩIыунэм щипIурэ, сабийр балигъ хъуащ. Балигъ щыхъум, зейм я деж кIуэри, сабийр зэрыпсэур яжриIащ къазыхъуэм…
ЛIы икъугъэ хъуауэ, щIыунэм къикIри чынтыр ныкъуэкъуэгъу ищIащ Бэдынокъуэ: чынтыр хегъащIэри щIыунэм йохьэж…
Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.
Зыхыхьэр: Бэдынокъуэ, Нарт Эпос
Уи цIыхугъэхэм къегъащIэ!
Зыгуэр къэптхыным: