Псалъэжь: ХьэлIамэм ибгъукIэ йодзакъэ.
ПсынщIэрыпсалъэ: Лэныстэ-мастэ-къэбыстэ пIастэ.
ГушыIэ: Си нэм езгъэплъати, азбукэр зэзгъэщIэну къызжаIащ.
Къуажыхь: Ди чей цIыкIу махъсымэ изщ. (ДжэдыкIэ)

УздэщыIэр

Къэплъыхъуэр

Ашэмэз и бжьамийр къызэригъуэтыжар

АшэмэзАхумыдэкIэ зэджэр, жаIэ,
Нартхэм я тхьэIухудт;
Бырынбыхур зи джанэт,
Данэр зи фэилъхьэгъуэт,
Дыжьыныгъуэр зи хэдыкIынт,
«ТхьэIухуд»,– жаIамэ,
Ахумыдэ и цIэр къыпащэт,
Чэщейхэр нартхэм къыхузэблахырт,
Хэдэ ящIами хахыр Ахумыдэт;
Ауэрэ Ахумыдэм и ныбжь нэсащи
Нысэ зыщIынур къыхузэпощэ;
Щауэхэр ныхузэблокI,
ИкIэ къихуэр нарт лIыхъущ,
Вы ехъуахэр зи зекIуэ пащIэщ,
IэщIэвыщIэри пшэрыхь зыщIыфхэщ.
Ауэ и адэм сыт имыщIами
И гугъэм гъащIэр хуэмызэ,–
ЗэблэкIыу щауэр и пщIантIэ пэкIуми
Ахумыдэм игу екIу хэмыт,
Хэт къылъыхъуами
Дзыбэу къыщIокI,
ИкIагъэ къалъыкъуэкIауи мэкIуэж.
ПлъакIуэ зыщI щауэхэр
Ахумыдэм, жаIэ, кIащхъэ къыхуохъу,
Псэлъыхъуи къыхуэмыкIуэжу
Тэхъуанэм Ахумыдэр щIэсщ.
Арати, жаIэ, зэгуэрым
ЛIы фIыцIэ ябгэр Ахумыдэм къыхуокIуэ,
Псэлъыхъу зекIуэкIэт–
Нарт лIыжьым ирегъэблагъэ.
ЩIалэ фIыцIэу къахуеблэгъами
Ахумыдэр, арти, Iуагъаплъэ,
Ахумыдэр зэплъа щауэбэм
Я нэхъ дзыбэу ари къыщIокI,
ИкIагъэм иужьыгуауэ
Ахумыдэм ари ебгынэ.
Щымыхъужым а щIалэ фIыцIэр
Ахумыдэм зыкIэ къолъэIу:
–Iуэху сащIым сэ Iуэху сщагъуэт,
Iуэху сщIами Iуэху щызогъуэт,
Уафэми имыт,
ЩIылъэм тети зымыдэ,
Зи адэм игу зыгъэныкъуэ,
Нарт Бэдынокъуэ Iумпэм зыщIа!
НЦалэу щыIэм сыранэхъ лейт,
Дзы симыIэр дзы къысхуэпщIащ,
Щауэ икIэу сыкъэплъытащ.
Ауэ дзыкIи сыгубгъэнмыщIщ,
Е зыщIами сэ щIэзгъэкIуакъым,
КъикIуэтаи си зекIуэгъуакъым,
Лъэпкъ къупщхьэншэу сышужьеижкъым,
Си гукъэкIи згъэпщкIуу къэсакъым
Къупщхьэ мыгъуи си пэщIэщIэгъукъым.
Нарт Бэдынокъуэ Iумпэм зыщIа!
Птеплъэр фэкIэ къупщхьэгъу уощIыф;
ФэрыщIагъкIэ бжесIэу аракъым–
Къызэгуэпхъуи мы си гум къиплъэ,
Си гухэлъыр уэркIэ изыгъуэщ;
У и Iуплъэгъуэр махуэм согъэхъу,
Жэщ хъуамэ си нэгу ущIэтщ.
ЩхъухьпсыхькIэ сыкъыпхуэкIуакъым,
Сыеинуи зэ сигу техуакъым,
КъызэмыхъулIэми сыхуэдзыхакъым,
Хамэ щIыпIэ щыхутыкъуами сащыщкъым.
Си гур къабзэу,
Си бзэм жиIэр IэфIу,
Си фIылъагъуныгъэм
Уи пащхьэм сыкъырихьат;
У игу сырихьамэ сэркIэ насыпт.
Лъагъуныгъэр къахьэхуркъым,
Къохъуэпсари псэкIуэдкъым,
Ягъэ кIынкъым цIыхум селъыти
Зэ мы си щхьэм къысхуепэщэщ.
Щхьэ еплъыныр АхумыдэфIэигъуэджакъым,
Къепсэлъыхъури игъэщIэхъуакъым.
Абы и щхьэм ар хуопэщэщ,
Зэщымыщхъууи ар еутIыпщыж,
ЖагъуэмыщIуи а щIалэ фIыцIэр
И алъп кIэщIым зыредз, йожьэж.
Тэхъуэнэбжэм IуокIыж
Ахумыди Дапхъэ лъахъшэм зыщырегъэщI,
И куэщIми амыщ щелъагъу,
ИгъэщIагъуэу ар къеубыд,
Пхъуантэ быдэм ар дегъэтIысхьэ
И щхьэр быдэу

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3 4 5 6 7 8

Зыхыхьэр: Ашэмэз, Нарт Эпос

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 1 248

Сообщить об опечатке

Текст, который будет отправлен нашим редакторам: