Псалъэжь: Сэ гъущэрылърэ фыз игъэплъа лIырэ.
ПсынщIэрыпсалъэ: Набдзэ и бдзапцIэр егъэцIу.
ГушыIэ: Гъуэлъыжын хуейщ зэрыжаIэу, сыкъомэжэлIэж…
Къуажыхь: КIуэ пэтми, бжьиз зымыкIу. (Гущэ)

Къэплъыхъуэр

ЧыцI ерыщхэр

Къизылъхьар: "Шыхулъагъуэ", . Зыхыхьэр: Къэрмокъуэ Хьэмид, Таурыхъхэр

ЧыцI ерыщхэрПхъэзакъуэ лъэмыжым чыцIитI щызэрихьэлIащ. TIypи хъуакIуэ къокIыж. Лъэмыжым и кум щызэпэуващ чыцIитIыр.

Япэ чыцIым. Щхьэ укъыспэува? СигъэкI лъэмыжым! Сэ сопIащIэ.

ЕтIуанэ чыцIым. Уэращ къыспэувар. Сэ сымыпIащIэ уи гугъэ? ТекIуэти, сыблэгъэкI!

Шыбзыхъуэ Мухьэдин

Къизылъхьар: "Шыхулъагъуэ", . Зыхыхьэр: ТхакIуэ, усакIуэхэм я биографиехэр, Шыбзыхъуэ Мухьэдин

(1933-2004)

Шыбзыхъуэ Мухьэдин

Шыбзыхъуэ Мухьэдин Хьэмырзэ и къуэр Къэбэрдей-Балъкъэр автономнэ округым хыхьэ Прималкинскэ районым щыщ Къэрэгъэш къуажэм августым и 20-м 1933 гъэм къыщалъхуащ. Классиблыр кьиуха нэужь, Налшык дэт пединститутым щIэтIысхьащ. Ар къиухри, егъэджакIуэу итIанэ пионервожатэ нэхъыжьу Къэбэрдей-Балъкъэр АССР-м и Налшык куейм хыхьэ Кенжэ къуажэм щылэжьащ.

ШэджыхьэщIэ Хьэмыщэ

Къизылъхьар: "Шыхулъагъуэ", . Зыхыхьэр: ТхакIуэ, усакIуэхэм я биографиехэр, ШэджыхьэщIэ Хьэмыщэ

(1932-1999)

ШэджыхьэщIэ ХьэмыщэШэджыхьэщIэ Хьэмыщэ TIpy и къуэр Тэрч районым щыщ Урожайнэ къуажэм мартым и 18-м 1932 гъэм къыщалъхуащ. Къуажэ школыр 1951 гъэм къиухащ. А гъэм къыщыщIэдзауэ 1954 гъэм нэсыху дзэм къулыкъу щещIэ. И хэкум къигъэзэжа нэужь, Хьэмыщэ Тэрч районым и комсомол комитетым и отделым и унафэщIу мэлажьэ, къуажэ школым физкультурэмкIэ щрегъаджэ.

Шэджэмокъуэ Хьэсанш

Къизылъхьар: "Шыхулъагъуэ", . Зыхыхьэр: Къэрмокъуэ Хьэмид, Хъыбарыжьхэр

ЩIалэ закъуэт ар. Закъуэми, зэшибл я лIыгъэ и лIыгъэт. Ежьэрти, куэдрэ къэтт, къыщигъэзэжкIэ, фIыуэ ялъагъурти, жылэм я гуфIэгъуэт. Езыми жылэм я щIыхуэ къызытринэртэкъым: сыт къыздихьми къанэ щымыIэу тхьэмыщкIэхэм яхуигуэшырт. Шэджэмокъуэ Хьэсанш зыдэс къуажэм бийм кърикуртэкъым, хъунщIакIуэхэм абы жыжьэу къыпакIухьырт. Мызэ-мытIэу щихъумащ абы хэкур жыжьэ къикI зэрыпхъуакIуэхэм. Абы и цIэр жьыми щIэми ящIэрт, и лIыгъэм хэти иригушхуэрт.

ЩIымахуэм

Къизылъхьар: "Шыхулъагъуэ", . Зыхыхьэр: Нало Заур, Таурыхъхэр

ЩIымахуэмЖэщым борэнышхуэ къэхъуащ. Жьы щIыIэ иным уэсыр хуарзэу зэрихьэрт. Жьы пакIэ лъэщу къыкъуэухэм уэсыр къаIэтырти, гъуэжькуийм хуэдэу, хьэуам фийуэ щызэрахуэрт. Дунейр уэс толъкъуным зэщIищтат. Апхуэдэу борэныр щIыгум зыкъомрэ щыджэгуа нэужь, теужу хуежьащ. Ауэ уэсыр кIащхъэ мыхъуу, цыIэрылъхьэ инхэм хуэдэу, щIым къытесэрт.

ЩакIуэ

Къизылъхьар: "Шыхулъагъуэ", . Зыхыхьэр: ГъукIэжь Ланэ, Рассказхэр

Пщэдджыжьым жьыуэ, дадэ и фочыр къасщтэри, мэзым сыкIуащ. Сэ дадэ куэдрэ сыздишэрт мэзым, ауэ мы зэм си закъуэу сыкIуэну мурад сщIыри, зыми зыкъезмыгъащIэу сыдэкIащ.

Пщэдджыжь пасэр тIэкIу хуэщIыIэтыIэщ. Гъэмахуэпэщ. Акъужь мащIэ щIыфэм зызэпхидзу къопщэ.

ЩакIуэмрэ Ныбгъуэмрэ

Къизылъхьар: "Шыхулъагъуэ", . Зыхыхьэр: Къэрмокъуэ Хьэмид, Таурыхъхэр

ЩакIуэмрэ НыбгъуэмрэГубгъуэм ихьауэ, ЩакIуэм зы Ныбгъуэ къиубыдащ.

ЩакIуэм. Мы сэ къысIэрыхьар! Мы сэ къысIэрыхьар! УпкIэ-улъэурэ, си IэмыщIэ укъихуа, Ныбгъуэ цIыкIу! Ныбгъуэ лыбжьэ нэхъ IэфIи хэт ишха! Упшэр дыди хуэдэщ — мыгъэрей мэшым ухэуныкIащ жыпIэркъэ!

Ныбгъуэм. Сумыгъэунэхъу, ЩакIуэжь. СутIыпщыж. Сэр фIэкI бгъуэтыркъэ бгъэлыбжьэн? СутIыпщыж, мы зэм си хьэтыр къэлъагъу.

ЩакIуэм. Сыт уи хьэтыр щIэслъагъунур? Ныбгъуэ лыбжьэ сигу къихьащ.

Щунэ, Бытыху, Бгъащхъуэ

Къизылъхьар: "Шыхулъагъуэ", . Зыхыхьэр: Прозэ, Тау Нинэ, Таурыхъхэр

Щунэ, Бытыху, БгъащхъуэМэз джэду Щунэ, былътырыку Бытыху, къуршыбгъэ Бгъащхъуэ сымэ мэз гуэрым нэхъ и кум, унэ хъарзынэ щащIауэ, къагъэхьэрычэтыр зэдашхыу щыпсэут.

Зэныбжьэгъуищым къащэкIуар я плIэм дэлъу махуэ дыгъэпс гуэрым къыздэкIуэжым, сабий гъы макъ къызэхахащ.

Щхьэ шэч къытепхьэрэ

Къизылъхьар: "Шыхулъагъуэ", . Зыхыхьэр: ГушыIэхэр, Дудар Хьэутий

Щхьэ шэч къытепхьэрэЩхьэбаринэ Къасбот къуажэ псом я унафэщIт. Ауэ ар езым я унагъуэм щыпыпхэт. Абы и фызым бжьыпэр щиубыдати, бэуапIэ къритыртэкъым. Иджы фызым и унафэкIэ унагъуэр псэурт.

Щыхьымрэ Бажэмрэ

Къизылъхьар: "Шыхулъагъуэ", . Зыхыхьэр: Къэрмокъуэ Хьэмид, Таурыхъхэр

Щыхьымрэ БажэмрэБажэр псы Iуфэм Iутщ, псым адрыщIкIэ къаз хъушэ къыщилъэгъуащи, мэпIэцIеижри.

Бажэм (къежыхь-нежыхь, псым хохьэ, мэшынэри къыхокIыж). Сыту псышхуэIуэт… ЕсыкIэ зэрызэзмыгъэщIам нэхъ сызыхущIегъуэжа къэхъуакъым. ЕсыкIэ сщIатэмэ, мо къаз хъушэм я нэхъ пшэрыр къыхэзудат. МащIэрэ къызжиIа ди адэм: «ЕсыкIэ зэгъащIэ, къыпщхьэпэжынщ», — жиIэурэ. (Щыхьыр кърохьэлIэ) Унасыпыншэ хъункъым уэ, лъакъуэ кIыхь!

Щыхьым. Сыт къэхъуар?

Япэ лъэбакъуэхэр

Къизылъхьар: "Шыхулъагъуэ", . Зыхыхьэр: Хьэх Сэфарбий, Хьэх Сэфарбий

ЛэжьапIэ здэува газетым и лэжьакIуэхэм я япэ зэIущIэр пщэдджыжьым ирагъэкIуэкIащ. Пщэдджыжьыпэ зэхыхьэт ар икIи. Дэнэ лэжьапIи щекIуэкI хабзэхэм хуэдэт – жьыуэ зэхуэсрэ лэжьыгъэ ящIахэм, ящIэн хуейхэм дакъикъэ бжыгъэ гуэркIэ щытепсэлъыхьу. Псоми зыкърагъэхьэлIат – япэ илъэсыщIэ зэхыхьэт, щIэщыгъуэт. Къамбот имыщIа щхьэкIэ, нэгъуэщI зы лэжьакIуи къащтэрт и гъусэу – Мэрзей Гъузбер.

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 304