Псалъэжь: Иужь акъыл нэхърэ ипэ акъыл.
ПсынщIэрыпсалъэ: Тебэ фIыцIэм ху пцIынэ цIынэ иупцIащ.
ГушыIэ: Щхьэр узым - пфIэтщ.
Къуажыхь: Зэпэзэдакъэ — уэркъ унэлъащIэ. (Пхъуантэ)

Къэплъыхъуэр

Ирегъагъэ къудамэщIэр!

Къизылъхьар: "Шыхулъагъуэ", . Зыхыхьэр: Бэрбэч Аслъэнджэрий, Гугъуэт Заремэ, Жамбэч Рабия, Жамбэч Рабия, КIарэ Альбинэ, Къаныкъуэ Анфисэ, КъуэщIысокъуэ Марьянэ, Къэзан ФатIимэт, Нартокъуэ Анжелэ, Хъуэжэ Жаннэ, ХъыбарыщIэхэр, Хьэх Сэфарбий, Щомахуэ Залинэ

"КъудамэщIэ", 2009

«КъудамэщIэ», 2009

«Эльбрус» тхылъ тедзапIэм къыщыдэкIащ тхэн щIэзьшзагъащIэхэм Хьэх Сэфарбий щадэлажьэ «Шыхулъагъуэ» литературэ хасэм хэтхэм я усэхэмрэ рассказхэмрэ щызэхуэхьэса «КъудамэщIэ» тхылъыр.

Адыгэ литературэм, псом хуэмыдэу, поэзием и щытыкIэм игъэпIейтейхэр иужьрей зэманым тегузэвыхь хъуат тхакIуэ ныбжьыщIэхэр ди литературэм къызэрыхэмыхьэжым.

Анэм и гур

Къизылъхьар: "Шыхулъагъуэ", . Зыхыхьэр: КIарэ Альбинэ

Жэщ псом си нэр схузэтепIакъым. Си гупсысэмрэ гум гъэпщкIуауэ уз илъымрэ зы схуэхъужат, зэхэзэрыхьыжат. Хьэлъэт гъэмахуэ шылэ жэщым и хуабэри. Арыншами, махуэ зытIущ хъуауэ, зыгуэр къыстехьэлъэрт, си гущIэр пипIытIыкIыу. Къысщыхъурт зы Iей гуэр къэхъуну. КъысщыщIынкIэ хъунухэми сахэгупсысыхьырт. Бынхэм, щхьэгъусэм, адэ-анэм я дежкIэ си гур схуэмыубыду кIуэрт. Абыхэм я зыхэз сфIэкIуэдыну къысщыхъурт. ИкIи сышынэрт апхуэдэ гуIэгъуэр схуэмышэчынкIэ. А щытыкIэ Iейм сызэришхыр унагъуэм яжесIэфыртэкъым. СхузэфIэкIамэ, ар сэ езым зыщызгъэгъупщэжынт. Сыт мыгъуэу пIэрэ, ярэби? Си къуищри, сипхъу закъуэри, щхьэгъусэ- ри узыншэщ. Хэт мэлажьэ, хэти йоджэ. Ефэ, зауэ яхэткъым. Ди хъуреягъыр благъэрэ, ныбжьэгъурэщи, узымыгъэпэжын къахэкIыну сигу къэкIыххэркъым.

«Си Iэлъыныр узот». КIарэ Альбинэ

Къизылъхьар: "Шыхулъагъуэ", . Зыхыхьэр: КIарэ Альбинэ, Тхылъхэр

"Си Iэлъыныр узот". КIарэ Альбинэ, 2011

«Си Iэлъыныр узот». КIарэ Альбинэ, 2011

«Си Iэлъыныр узот» — аращ зэреджэр КIарэ Альбинэ и япэ тхылъым. Мы тхылъым къыщыбгъуэтыфынущ Альбинэ и тхыгъэ зыбжанэ.

«Си Iэлъыныр узот» тхылъыр къипхыфынущ.

«Шыхулъагъуэм и вагъуэхэр»

Къизылъхьар: "Шыхулъагъуэ", . Зыхыхьэр: Бэрбэч Аслъэнджэрий, Гугъуэт Заремэ, ГъукIуэкъул Иринэ, ГъукIэ Маринэ, Дзэгъащтэ Азэмэт, Жамбэч Рабия, Жамбэч Рабия, КIарэ Альбинэ, Къаныкъуэ Анфисэ, Къашыргъэ Иннэ, Къэзан ФатIимэт, Нартокъуэ Анжелэ, НафIэдз Мухьэмэд, Тхылъхэр, Хъуэжэ Жаннэ, Хьэх Сэфарбий, Щомахуэ Залинэ

"Шыхулъагъуэм и вагъуэхэр", 2010

«Шыхулъагъуэм и вагъуэхэр», 2010

«Шыхулъагъуэм и вагъуэхэр» — етIуанэу «Шыхулъагъуэ» хасэм хэтхэм къыдагъэкIа тхылъщ.

Тхылъым итщ Жамбэч Рабия, Нартокъуэ Анжелэ, Къаныкъуэ Анфисэ, НафIэдз Мухьэмэд, Къэзан ФатIимэт, Къашыргъэ Иннэ, КIарэ Альбинэ, Дзэгъащтэ Азэмэт, ГъукIэ Маринэ, Щомахуэ Залинэ сымэ я рассказхэр, ГъукIэкъул Иринэ, Гугъуэт Заремэ, Жамбэч РабияКъэзан ФатIимэт, Хъуэжэ Жаннэ, Бэрбэч Аслъэнджэрий я усэхэр.

«Шыхулъагъуэм и вагъуэхэр» тхылъыр къипхыфынущ.

Си Iэлъыныр узот

Къизылъхьар: "Шыхулъагъуэ", . Зыхыхьэр: КIарэ Альбинэ

Еджэным зэрыщIидзэр къыдэзыгъащIэ уэзджынэм и макъыр щызэхэсхам, гъуджэм си Iупэр злэуэ сыкIэрытт. СыкъыкIэрыхут, ауэ къысфIэIуэхукъым — зызогъэдахэ.
— Мадинэ, аргуэру дыкъыкIэрыхуащ! Зэ мыхъуми зэ дыкъыщIахужауэ тлъагъунщ!
Си ныбжьэгъу Зухра гузавэ зищIми, сэр нэхърэ зыкIи нэхъ пIащIэркъым. Здэпсалъэм, и нэр къэрэндащ фIыцIэкIэ щIеш.
— ДыкъыщIахужым, дыкIуэжынщ! Е паркымкIэ дунэтIынкъэ. ЦIыхухэм дахэплъэнщ, дэри закъедгъэлъагъуэнщ. Пэжыр жысIэнщи, къысфIэIуэхукъым зыкIи еджэныр. Абы тегузэвыхь си еджэгъухэр сфIэгъэщIэгъуэнщ – ахъшэрщ дунейр зыгъэкIэрахъуэр.
Абдежым къыщIыхьа хъыджэбзитIыр фIэфейцейуэ, зэпеплъыхь си гъусэм, итIанэ зыкъысхуегъэзэж:
— Хъунут. Ауэ, едгъэлейуэ къысщохъу.

«КъудамэщIэ» — япэ тхылъ

Къизылъхьар: "Шыхулъагъуэ", . Зыхыхьэр: Бэрбэч Аслъэнджэрий, Гугъуэт Заремэ, ГъукIуэкъул Иринэ, ГъукIэ Маринэ, Дзэгъащтэ Азэмэт, Жамбэч Рабия, Жамбэч Рабия, КIарэ Альбинэ, Къаныкъуэ Анфисэ, Къашыргъэ Иннэ, КъуэщIысокъуэ Марьянэ, Къэзан ФатIимэт, Нартокъуэ Анжелэ, НафIэдз Мухьэмэд, Тхылъхэр, Хъуэжэ Жаннэ, Хьэх Сэфарбий, Щомахуэ Залинэ

"КъудамэщIэ", 2009

«КъудамэщIэ», 2009

«КъудамэщIэ» тхылъыр «Шыхулъагъуэ» литературэ хасэм хэтхэм зэгъусэу япэу къыдагъэкIа тхылъщ. Мы тхылъым къыщыбгъуэтынущ уси, прози, уэрэд хъуа усэхэри.

«КъудамэщIэ» тхылъым уеджэну ухуейм, къипхыфынущ.

Хьэх Сэфарбий КIарэ Альбинэ и тхылъым теухуауэ

Къизылъхьар: "Шыхулъагъуэ", . Зыхыхьэр: КIарэ Альбинэ, Хьэх Сэфарбий

Си  Iэлъныр  узот

Гъуэгу махуэ

ТхакIуэ ныбжьыщIэхэмкIэ къулейуэ жыпIэ хъунукъым ди къэбэрдей литературэр. ТхакIуэ билет зыIыгъыу мызэманым диIэм пенс ныбжьымнэмысауэ е абы гъунэгъу хуэмыхъуауэ къытхэтырзытхухщ. Абыхэм мы зэман гугъум зэрыпсэун Iуэху  нэхъ зэрахуэ, тхэным нэхърэ. Абы къикIыр сыт –шынагъуэщ зэман кIапэ тIэкIу дэкIмэ, ди лъэпкъ литературэм къуилъхьэжыпэнкIэ.  Абы къишэнущ лъэпкъ кIуэдыр.  Лъэпкъыр лъэпкъ зыщIыж бзэм и хъумапIэт литературэр…

А псом уакъыщызэдеплъмэ, ущымыгуфIыкIыпIэр  иIэкъым сэ адыгэбзэкIэ художественнэ литературэм сыхуэлэжьэнущ, жызыIэу мы IэнатIэ мытыншым пэрыувэ дэтхэнэ ныбжьыщIэми. Апхуэдэхэр зэуIуэ щыхъуащтхэн щIэзыдзагъащIэхэм дащыдэлажьэ «Шыхулъагъуэ» литературэ хасэм.

БлэкIам и макъ

Къизылъхьар: "Шыхулъагъуэ", . Зыхыхьэр: КIарэ Альбинэ

Ныжэбэрей жэщым семызэгъыу, жьы дыдэу сыкъэушауэ сыздыхэлъым, си нитIыр тедиихьат нэхущ вагъуэм. Моуэ зы хъуэпсэгъуэ гуэру  зэщIэцIууэу щхьэгъубжэм къыдэпсырт. Мазэри къыбгъэдэтт. А тIум зэ IуплъэгъуэкIэ яхуэзгъэфэщат цIыху зэгуэкIуахэм я теплъэр – я щIыб зыхугъэзауэ, гукъанэ зыхуащIа хуэдэу зэпэщытхэт. Уэгум пшэ Iэрамэ итхэм ахэр  зэ зыр, зэм адрейр щIахъумэрт. Абыхэм я щIагъым щыIэ щIылъэр сыту ещхьыщэ си гъащIэм – зэм кIыфIыгъэм зэщIищтэрт, зэми нэху къэхъужырт…

Щыуагъэ

Къизылъхьар: "Шыхулъагъуэ", . Зыхыхьэр: КIарэ Альбинэ

Пшапэр фIыуэ зэхэуат. Бжьыхьэпэ жьы щIыIэр къыкъуэурт. Уафэм, пшэ губжьахэр щызэхуэсурэ, дунейр кIыфIыгъэм зыIэщIилъхьэрт. Хуэмурэ жьыбгъэм зыкъешэщI, уэшхми зимыIэжьэу кърегъажьэ, игъэпIийуэрэ и нэщхъыр.

Сэ а псом щхьэгъубжэмкIэ сакIэлъоплъ. ЕтIуанэ къатым сыкъыздеплъыхым пщIантIэ хуитышхуэр солъагъу. Ар нэщIщ. Жьы хьэщхьэрыIуэмрэ уэшх къарумрэщ щыхьэщIэр. Сыту куэдым захъуэжа?! Слъагъур згъэщIагъуэу зызоплъыхь. ИтIани си гур сIэщIэкIыурэ си щхьэгъусэм и деж сфIокIуэ. Закъуэныгъэр хьэлъэщ, къызгурыIуащ сэ ар куэд щIауэ. Арауи къыщIэкIынщ, дэ тIур дыщызэпэжыжьэм гугъу  сыщIехьыр. Си гупсысэр псэм хэпщIэжурэ, сеукI. Ар зэрызмылъагъурэ махуэ етIаунэ мэхъу. Зы унагъуэ дызэрыхъурэ апхуэдэ зэи къэхъуакъым.

НатIэм къритхар

Къизылъхьар: "Шыхулъагъуэ", . Зыхыхьэр: КIарэ Альбинэ

Махуэ псом уалбэнэшхуауэ, пщыхьэщхьэ хуегъэзэкI щыхъум, дунейр дахэу зэкIэщIихужри, зи къухьэгъуэ нэблэгъа дыгъэр къеплъэкIыжат. Зэ цIыхухэм къахуэгуфIэжащ. Дыгъэ нур щабэм дуней псор къызэщIигъэнэхуат. Сэ уэрам зэв цIыкIумкIэ сыдыхьэжри, уэшхыпс инахэм сазэрыхэмыувэн сыхэтурэ, унэмкIэ сунэтIат. Махуэ хьэлъэм Iейуэ сешати, зэ сынэсыжу, къыстехуэ Iуэхухэр зэфIэзгъэкIыу, зызгъэпсэхужарэт, жысIэт. Куэбжищ къэнауэ, гъунэгъу фыз гуп уэрамым къызэрыдэхащ.

КIарэ Альбинэ

Къизылъхьар: "Шыхулъагъуэ", . Зыхыхьэр: КIарэ Альбинэ, Хасэм хэтхэр

КIарэ АльбинэКIарэ Альбинэ Аслъэн и пхъум (1987, Шэджэм Езанэ п. (иджы Шэджэм къалэ, Шэджэм р-н) КъБКъУ-м и юридическэ факультетыр къиухащ. Альбинэ и рассказхэм ди тхылъеджэхэр фIыуэ щыгъуазэщ, ахэр куэдым ягу ирохь.

ТхакIуэ ныбжьыщIэхэм я тхыгъэхэр щызэхуэхьэса «КъудамэщIэ» (2009), «Шыхулъагъуэм и вагъуэхэр» (2010) тхылъхэм итщ и рассказхэр. 

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 18