Псалъэжь: Куэдрэ шэм ухэплъэмэ, лъы холъагъуэ.
ПсынщIэрыпсалъэ: Шыбжииплъ, псы плъыжьыбзэ.
ГушыIэ: Махуэр ауэ кIуэдакъым.
Къуажыхь: Бгырыпхыбгъуэ, лIыбгъуэ кIэщI. (Чей)

УздэщыIэр

Къэплъыхъуэр

ГъэтIылъыныгъэхэр 25.09.2015 папщIэ

Лъэбыцэжьеймрэ нарт шумрэ

Къизылъхьар: "Шыхулъагъуэ", . Зыхыхьэр: Дзэгъэшынэ шу закъуэ

Лъэбыцэжьеймрэ нарт шумрэНарт шу гуп епсыхауэ тхьэрыкъуэф Iэнэ бгъэдэсти, Лъэбыдэжьей и хъыбар къэхъеящ. Лъэбыцэжьей тIуащIэм дэст, и лIыгъэ-шыгъэкIэ цIэрыIуэ хъуауэ. И хъыбар къызэрыIукIэ, езыр лIы цIыкIут, шым шэсамэ, уанэкъуапэм къыкъуэщыркъым жыхуаIэм хуэдэт.

Тотрэш и шабзищыр

Къизылъхьар: "Шыхулъагъуэ", . Зыхыхьэр: Дзэгъэшынэ шу закъуэ

Албэч и къуэ Тотрэш Лъэпщ и кIыщым щIыхьащ:
– Шабзищ схуэщI,–жери.
– Сыт узэрыхуейр? Уи жагъуэгъур хэт? – къеупщIащ Лъэпщ.
– Си жагъуэгъур сэ къэзгъуэтыжынщ. Шабзищ сыхуейщ,–къыжриIащ.
Шабзищ хуищIри къритащ.
– Узэуэм фIэкIынукъым.
– Деплъынкъэ,–жери, Албэч и къуэ Тотрэш шэсыжащ.
Гъуэгущхьиблыр щызэхэкIым кIуэри теуващ Албэч и къуэ Тотрэш. Зэщэр Сосрыкъуэ, БлыпкъкIэщI, ПщэдыкъкIэщI сымэт.
Гъуэгущхьиблыр щызэхэкIым къэсауэ Сосрыкъуэ, БлыпкъкIэщI, ПщэдыкъкIэщI сымэ къаплъэри Албэч и къуэ Тотрэш къалъэгъуащ.
Албэч и къуэ Тотрэш и шабзэр зэIуидзакIэт.
– Мыбы дэ дыкъелынкъым, щхьэж и щхьэр зэрыхихын! – жари зэбгрыжащ: Сосрыкъуэ псыхъуэм зыдидзэри мывэ хъурей зищIащ, БлыпкъкIэщI бгъуэнщIагъым зыщIидзащ, ПщэдыкъкIэщI мэзым зыхидзащ.
– НокIуэ! – жери Тотрэш зы шабзэ иутIыпщащ. Шабзэшэм БлыпкъкIэщI бгъуэнщIагъым щIиукIыхьащ.
– ЕтIуанэр нокIуэ!–жиIащ Тотрэш, шабзэшэр идзри.
ЕтIуанэм ПщэдыкъкIэщI мэзым хиукIыхьащ.
– НокIуэ ещанэри!
Ещанэр псыхъуэм дэлъ мывэ хъурейм техуэри лъеижащ.
Албэч и къуэ Тотрэш щхьэщыкIа нэужь, Сосрыкъуэ къызэфIэувэжри ежьэжащ.

Тотрэш

Къизылъхьар: "Шыхулъагъуэ", . Зыхыхьэр: Дзэгъэшынэ шу закъуэ

ТотрэшНарт шууищ, я пщафIэри я гъусэу, Псыжь Iуфэ Iухьащ. Псым шууэ хыхьэн иракуакъым, псыр къиуауэ ирихьэлIати.
Псым зэпрыплъри адрыщIкIэ зы бзылъхугъэ къыIухьауэ къалъэгъуащ.
Бзылъхугъэр псыхьэ къэкIуа хъунти:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 152